व्हिसाने भारतात लॉन्च केले ‘पेमेंट पासकी’; डिजिटल पेमेंटमधील अडचणी होणार दूर

POSTED BY : MRUNALI SAKPAL DT. 02/07/2026 📞  8850212023

मुंबई NHI24.COM : व्हिसा (NYSE: V) ने आज जाहीर केले की, ‘व्हिसा पेमेंट पासकी‘ (VPP) सेवा भारतात लाइव्ह झाली आहे. कार्डधारकांसाठी ही सुविधा उपलब्ध करून देणारी ‘आयडीएफसी फर्स्ट बँक‘ (IDFC FIRST Bank) आमची पहिली बँकिंग भागीदार ठरली आहे. ही पासकी सुविधा सध्या मिन्त्रा (Myntra), पेटीएम (Paytm), मेकमायट्रिप (MakeMyTrip), टाटा स्टारबक्स (Tata Starbucks), रिलायन्स डिजिटल (Reliance Digital) आणि ईटश्युअर (EatSure – Rebel Foods) यांसारख्या व्यापारी प्लॅटफॉर्म्सच्या निवडक युजर्ससाठी उपलब्ध आहे. तसेच जसपे (Juspay), विब्मो (Wibmo), रेझरपे (Razorpay), पेयु (PayU), पाईन लॅब्स (Pine Labs), बिलडेस्क (BillDesk), एम२पी फिनटेक (M2P Fintech) आणि पेटीएम पेमेंट सर्व्हिसेस यांसारख्या फिनटेक भागीदारांचे मजबूत नेटवर्क यामागे कार्यरत आहे. या कंपन्यांचे प्लॅटफॉर्म्स व्हिसा कार्डधारकांसाठी व्हिसा पेमेंट पासकीचे सुलभ एकत्रीकरण आणि वापर सुलभ करणारा मुख्य कणा म्हणून काम करत आहेत.

हे लॉन्च विश्वसनीय आणि सुलभ ऑनलाइन पडताळणी (authentication) सक्षम करण्याच्या दिशेने एक मोठे पाऊल आहे. याचा उद्देश भारतातील ग्राहक आणि व्यवसायांसाठी डिजिटल पेमेंटचा अनुभव सुधारत असतानाच, ओटीपी (OTP) सारख्या पारंपारिक पेमेंट पडताळणी पद्धतींवरील अवलंबित्व कमी करणे हा आहे.

फायडो (FIDO) च्या जागतिक मानकांवर (अग्रगण्य कंपन्यांद्वारे वापरली जाणारी जागतिक पडताळणी प्रणाली) आधारित, व्हिसा पेमेंट पासकी व्हिसा कार्डधारकांना त्यांच्या डिव्हाइसच्या मूळ अनलॉक यंत्रणेचा (जसे की फिंगरप्रिंट, फेस लॉक, पिन, पासवर्ड किंवा पॅटर्न) वापर करून व्यवहारांची पडताळणी करण्याची परवानगी देते. ही सुविधा आरबीआयच्या (RBI) सप्टेंबर २०२५ मधील “डिजिटल पेमेंट व्यवहारांसाठी पर्यायी पडताळणी यंत्रणेची नियमावली” (Framework on Alternative Authentication Mechanisms for Digital Payment Transactions) च्या अनुषंगाने तयार करण्यात आली आहे, जेणेकरून युजर्सना वन–टाइम पासवर्ड (OTP) च्या पलीकडे जाऊन इतर पर्यायी पडताळणी पद्धती वापरता येतील. व्हिसा पेमेंट पासकी चेकआउट प्रक्रिया सोपी करते, व्यवहार अधिक सुरक्षित करते आणि एक जलद व सोपा पेमेंट अनुभव प्रदान करते.

व्हिसाचे भारत आणि दक्षिण आशियाचे ग्रुप कंट्री मॅनेजर, सुरेश सेठी म्हणाले, “विश्वास हा भारताच्या डिजिटल पेमेंट प्रवासाचा पाया आहे. भारताने आपल्या व्याप्ती, नाविन्यता आणि कोट्यवधी ग्राहक व व्यवसायांच्या विश्वासामुळे जगासमोर एक शक्तिशाली उदाहरण ठेवले आहे. व्हिसा पेमेंट पासकीच्या माध्यमातून आम्ही लोकांना त्यांच्या बायोमेट्रिक्स, पिन, पासवर्ड किंवा पॅटर्न यांसारख्या परिचयाच्या डिव्हाइस–आधारित पद्धतींद्वारे कार्ड पेमेंटची पडताळणी करण्याची सुविधा देत आहोत. यामुळे डिजिटल कॉमर्स अधिक सुरक्षित, सर्वसमावेशक आणि वापरण्यास सोपे होईल. टोकनायझेशनसह एकत्रितपणे, हे सोल्युशन सुरक्षेचा एक महत्त्वाचा स्तर जोडते, पेमेंटमधील अडथळे कमी करते आणि प्रत्येक चेकआउट वेळी विश्वास वाढवते. हे ‘एजंटिक कॉमर्स‘च्या (agentic commerce) पुढील युगाचा पाया देखील रचते, जिथे विश्वासार्ह क्रेडेंशियल्स आणि मजबूत पडताळणीमुळे डिजिटल प्रणाली ग्राहकांच्या वतीने सुरक्षितपणे काम करू शकेल. हे अधिक सुलभ, लवचिक आणि भविष्यासाठी सज्ज असलेली डिजिटल अर्थव्यवस्था निर्माण करण्याच्या भारताच्या महत्त्वाकांक्षेला बळ देते.”

व्हिसा पेमेंट पासकीमुळे पेमेंट यशस्वी होण्याच्या दरात (PSR – Payment Success Rate) लक्षणीय वाढ होण्याची अपेक्षा आहे. तसेच पारंपारिक ओटीपी–आधारित पद्धतींच्या तुलनेत ऑनलाइन व्यवहार पूर्ण करण्यासाठी आवश्यक असणाऱ्या स्टेप्स देखील कमी होतील.

फक्त एका वेळच्या सोप्या सेटअपसह, ग्राहक या सुविधेचा लाभ घेऊ शकतात आणि भागीदार मर्चंट्स व प्लॅटफॉर्म्सवर एकसारखा पडताळणी अनुभव मिळवू शकतात. हे सोल्युशन प्रमुख ऑपरेटिंग सिस्टम्स आणि ब्राउझर्सशी सुसंगत आहे आणि जागतिक स्तरावर अब्जावधी फायडो–सक्षम (FIDO-enabled) डिव्हाइसेसद्वारे समर्थित आहे, ज्यामुळे याची पोहोच आणि व्याप्ती मोठ्या प्रमाणावर सुनिश्चित होते.

भारत ज्याप्रमाणे आपली डिजिटल अर्थव्यवस्था पुढे नेत आहे आणि पेमेंट इकोसिस्टम मजबूत करत आहे, त्याप्रमाणे व्हिसा आर्थिक संस्था आणि इकोसिस्टम भागीदारांच्या सहकार्याने सुरक्षित, व्यापक आणि ग्राहक–केंद्री नवकल्पना आणण्यावर आपले लक्ष केंद्रित ठेवत आहे; जेणेकरून अधिक सर्वसमावेशक आणि मजबूत डिजिटल पेमेंट लँडस्केपच्या वाढीला मदत होईल.