नित्याज जेम्स अँड ज्वेलरी लिमिटेडचा आयपीओ ३० सप्टेंबर २०२६ला खुला

POSTED BY : MRUNALI SAKPAL DATED ON : 28/09/2026 (8850212023)

● एकूण इश्यू आकार – ₹५ दर्शनी मूल्याच्या १४,४५६,००० पर्यंत इक्विटी शेअर्स

● आयपीओ आकार – ₹१०८.४२ कोटी (अप्पर प्राइस बँडनुसार)

● प्राइस बँड – ₹७० ते ₹७५ प्रति इक्विटी शेअर

● लॉट साइज – २०० इक्विटी शेअर्स

मुंबई (NHI24) – भारतात लॅब-ग्रोवन डायमंड जडित सोन्याच्या दागिन्यांची डिझाइन, निर्मिती आणि विक्री करणारी नित्याज जेम्स अँड ज्वेलरी लिमिटेड आपला इनिशियल पब्लिक ऑफरिंग (आयपीओ) बुधवार, ३० सप्टेंबर २०२६ला खुला करणार आहे. या आयपीओद्वारे अप्पर प्राइस बँडनुसार ₹१०८.४२ कोटी उभारण्याचे कंपनीचे उद्दिष्ट असून, कंपनीचे शेअर्स एनएसई आणि बीएसईवर सूचीबद्ध केले जाणार आहेत.

इक्विटी शेअर वाटप:

• नेट क्यूआईबी – इश्यूच्या ५०% पेक्षा जास्त नाही
• एनआईआई – इश्यूच्या किमान १५%
• आरआईआई – इश्यूच्या किमान ३५%

आयपीओतून मिळणाऱ्या निव्वळ निधीचा वापर वर्किंग कॅपिटलच्या गरजा पूर्ण करण्यासाठी आणि जनरल कॉर्पोरेट उद्देशांसाठी केला जाणार आहे. अँकर बिडिंग मंगळवार, २९ सप्टेंबर २०२६ला होणार असून, आयपीओ बुधवार, ३० सप्टेंबर २०२६ला खुला होऊन सोमवार, ५ ऑक्टोबर २०२६ला बंद होईल. या इश्यूचे बुक रनिंग लीड मॅनेजर चॉइस कॅपिटल अडव्हायझर्स प्रायव्हेट लिमिटेड असून, रजिस्ट्रार बिगशेअर सर्व्हिसेस प्रायव्हेट लिमिटेड आहे.

नित्याज जेम्स अँड ज्वेलरी लिमिटेडचे चेअरमन आणि मॅनेजिंग डायरेक्टर, श्री. रजनिकांत लल्लुभाई चांचड़ म्हणाले, “प्रस्तावित आयपीओ हा आमच्या प्रवासातील एक महत्त्वाचा टप्पा आहे. लॅब-ग्रोवन डायमंड जडित सोन्याच्या दागिन्यांच्या क्षेत्रात आम्ही बी२बी उत्पादन आणि वितरणासोबतच डी२सी ओम्नीचॅनेल रिटेलचा समावेश असलेले एकात्मिक व्यासपीठ उभारले आहे. ग्राहकवर्गाचा विस्तार, डिझाइन-केंद्रित उत्पादन क्षमता अधिक मजबूत करणे आणि विविध विक्री माध्यमांमध्ये उपस्थिती वाढविण्याच्या आमच्या प्रयत्नांना गती देण्यासाठी आयपीओतून मिळणाऱ्या निव्वळ निधीचा वापर प्रामुख्याने वर्किंग कॅपिटलच्या गरजा पूर्ण करण्यासाठी केला जाणार आहे.”

चॉइस कॅपिटल अडव्हायझर्स प्रायव्हेट लिमिटेडचे संचालक, श्री रतिराज टिबडेवाल म्हणाले, “नित्याज जेम्स अँड ज्वेलरी लिमिटेडने एकात्मिक बी२बी आणि डी२सी मॉडेलच्या माध्यमातून आपल्या व्यवसायाचा विस्तार केला आहे. आर्थिक वर्ष २०२६मध्ये कंपनीने ₹२,०२८.९४ दशलक्षचा ऑपरेशन्समधून महसूल, ₹३०९.७४ दशलक्षचा ईबीआयटीडीए आणि ₹२२३.१५ दशलक्षचा करानंतरचा नफा नोंदविला. या कालावधीत ईबीआयटीडीए मार्जिन १५.२७% आणि पीएटी मार्जिन ११.००% राहिले. प्रस्तावित फ्रेश इश्यूमधून मिळणाऱ्या निधीचा वापर प्रामुख्याने कंपनीच्या वर्किंग कॅपिटलच्या गरजा पूर्ण करण्यासाठी तसेच उत्पादन क्षमता अधिक मजबूत करण्यासाठी केला जाणार आहे.”

नित्याज जेम्स अँड ज्वेलरी लिमिटेडविषयी :

नित्याज जेम्स अँड ज्वेलरी लिमिटेड ही भारतातील लॅब-ग्रोवन डायमंड जडित सोन्याच्या दागिन्यांची डिझाइन, निर्मिती आणि विक्री करणारी कंपनी आहे. कंपनीच्या एकात्मिक व्यवसाय मॉडेलमध्ये संघटित रिटेलर्स, स्वतंत्र रिटेलर्स आणि घाऊक विक्रेत्यांसाठी बी२बी उत्पादन व वितरण तसेच तिची उपकंपनी अयानी डायमंड्स अँड ज्वेलरी प्रायव्हेट लिमिटेडच्या माध्यमातून डी२सी ओम्नीचॅनेल रिटेल व्यवसायाचा समावेश आहे. कंपनी रिंग्ज, इअररिंग्ज, पेंडंट्स, ब्रेसलेट्स, मंगळसूत्रे, नोज पिन्स, नेकलेसेस, कफलिंक्स आणि बांगड्या अशा विविध प्रकारच्या दागिन्यांची निर्मिती करते. यामध्ये हलके आणि परवडणारे लॅब-ग्रोवन डायमंड जडित सोन्याचे दागिने उपलब्ध करून देण्यावर कंपनीचा विशेष भर आहे.

डावीकडून उजवीकडे:

सुश्री श्रेया पोद्दार

चॉईस कॅपिटल अडव्हायझर्स प्रायव्हेट लिमिटेड

श्री राजनिकांत लल्लूभाई चंचड

नित्यास जेम्स अँड ज्वेलरी लिमिटेड

आर्थिक वर्ष २०२६मध्ये कंपनीने ३२३ बी२बी ग्राहकांना सेवा दिली. कंपनीचे बी२बी नेटवर्क भारतातील १८ राज्ये आणि २ केंद्रशासित प्रदेशांमध्ये विस्तारलेले आहे. याशिवाय, संयुक्त अरब अमिराती, ऑस्ट्रेलिया, कॅनडा, तैवान आणि केनियामधील ग्राहकांनाही कंपनीने सेवा दिली आहे. अयानीकडून ऑनलाइन स्टोअरफ्रंट तसेच भारतातील ८ शहरांमध्ये १० फिजिकल रिटेल स्टोअर्सचे संचालन केले जाते. यामध्ये ७ कंपनी संचालित आणि ३ फ्रँचायझी संचालित स्टोअर्सचा समावेश आहे.

गुजरातमधील सुरत येथे कंपनीची सुमारे ७,००० चौ. फूट क्षेत्रफळाची उत्पादन सुविधा असून, तिची स्थापित उत्पादन क्षमता दरवर्षी सुमारे ३६० किलो आहे. कंपनीच्या कामकाजाला इन-हाउस डिझाइन क्षमता तसेच सीएडी/सीएएम-सक्षम साधनांचा आधार आहे. ३१ ऑगस्ट २०२६पर्यंत कंपनीकडे ३२,०००हून अधिक दागिन्यांच्या डिझाइन्सचा पोर्टफोलिओ आहे. आर्थिक वर्ष २०२६मध्ये कंपनीने ₹२,०२८.९४ दशलक्षचा ऑपरेशन्समधून महसूल, १५.२७% ईबीआयटीडीए मार्जिन आणि ११.००% पीएटी मार्जिन नोंदविले.

अस्वीकरण :

या दस्तऐवजातील ऐतिहासिक तथ्ये नसलेली काही विधाने ही भविष्यातील अपेक्षांवर आधारित विधाने आहेत. अशी भविष्यातील अपेक्षांवर आधारित विधाने सरकारी निर्णय, स्थानिक, राजकीय किंवा आर्थिक घडामोडी, तांत्रिक जोखीम आणि प्रत्यक्ष परिणामांमध्ये संबंधित भविष्यातील अपेक्षांवर आधारित विधानांपेक्षा लक्षणीय फरक पडू शकणाऱ्या इतर अनेक घटकांमुळे निर्माण होणाऱ्या जोखीम आणि अनिश्चिततेच्या अधीन आहेत. अशा विधानांच्या आधारे घेतलेल्या कोणत्याही कृतीसाठी कंपनी कोणत्याही प्रकारे जबाबदार राहणार नाही. तसेच, त्यानंतर घडणाऱ्या घटना किंवा परिस्थिती लक्षात घेऊन या भविष्यातील अपेक्षांवर आधारित विधानांमध्ये सार्वजनिकरीत्या अद्ययावत माहिती देण्याची कोणतीही जबाबदारी कंपनी स्वीकारत नाही.