पेशवा व्हीट लिमिटेडचा आयपीओ २४ सप्टेंबर २०२६ला खुला होणार

 POSTED BY  : MRUNALI SAKPAL DATED ON  : 24/09/2026 (8850212023) 📞

एकूण इश्यू आकार – ₹१० दर्शनी मूल्याचे ५२,९९,२०० इक्विटी शेअर्स

आयपीओ आकार – ₹५३.५२ लाख

किंमत पट्टा – ₹९५ ते ₹१०१ प्रति शेअर

लॉट आकार – १,२०० इक्विटी शेअर्स ( किमान २,४०० इक्विटी शेअर्ससाठी बोली लावता येईल आणि त्यानंतर १,२०० इक्विटी शेअर्सच्या पटीत बोली लावता येईल.)

मुंबई (NHI24) – इंदूरस्थित एकात्मिक धान्य प्रक्रिया कंपनी पेशवा व्हीट लिमिटेड गव्हावर प्रक्रिया करून आटा अर्थात गव्हाचे पीठ, सॉर्टेक्स गहू, दलिया आणि गव्हाचा कोंडा तयार करते. तसेच कंपनी मका पीठ आणि बेसनाचेही उत्पादन करते. कंपनी आपला इनीशियल पब्लिक ऑफरिंग (आयपीओ) गुरुवार, २४ सप्टेंबर २०२६ला खुला करणार आहे.

इश्यूचा आकार ₹१० दर्शनी मूल्याच्या शेअर्ससह ₹५३.५२ कोटी असून, किंमत पट्टा ₹९५ ते ₹१०१ प्रति शेअर निश्चित करण्यात आला आहे. इश्यू आणि नेट इश्यूचा कंपनीच्या इश्यू पश्चात पेड-अप इक्विटी शेअर कॅपिटलमध्ये अनुक्रमे २७.८५% आणि २६.३०% हिस्सा असेल. इश्यूपूर्वी कंपनीचे पेड-अप इक्विटी शेअर कॅपिटल १,३७,२८,९९६ इक्विटी शेअर्स इतके होते, जे इश्यू पश्चात १,९०,२८,१९६ इक्विटी शेअर्स इतके होईल.

इक्विटी शेअर वाटप –

• मार्केट मेकर रिजर्वेशन हिस्सा –२,९५,२०० इक्विटी शेअर्स

• क्वालिफाइड इंस्टीट्यूशनल बायर्स (क्यूआईबी) – ४९,२०० इक्विटी शेअर्सपेक्षा अधिक नाही

• नॉन-इंस्टीट्यूशनल इन्वेस्टर्स (एनआईआई) – २४,५१,६०० इक्विटी शेअर्सपेक्षा कमी नाही

• इंडिविजुअल इन्वेस्टर्स– २५,०३,२०० इक्विटी शेअर्सपेक्षा कमी नाही

आयपीओमधून मिळणाऱ्या निव्वळ निधीचा वापर ₹६६९.०९ लाखांच्या प्लांट आणि मशिनरीच्या खरेदीसाठी भांडवली खर्च, ₹५०१.२० लाखांच्या सिव्हिल बांधकामासाठी, ₹२,६५०.०० लाखांच्या कार्यकारी भांडवलाच्या गरजा पूर्ण करण्यासाठी तसेच सामान्य कॉर्पोरेट उद्देशांसाठी केला जाणार आहे.हा इश्यू गुरुवार, २४ सप्टेंबर २०२६ला खुला होऊन सोमवार, २८ सप्टेंबर २०२६ला बंद होणार आहे. या इश्यूमध्ये अँकर गुंतवणूकदारांसाठी कोणताही हिस्सा राखीव नाही. संपूर्ण इश्यू हा फ्रेश इक्विटी शेअर्सचा इश्यू असून, यात ऑफर फॉर सेल (ओएफएस) नाही.

इश्यूचे बुक रनिंग लीड मॅनेजर फिनॅक्स कॅपिटल अॅडव्हायझर्स प्रायव्हेट लिमिटेड आहेत. इश्यूचे रजिस्ट्रार माशितला सिक्युरिटीज प्रायव्हेट लिमिटेड आहेत. इश्यूचे मार्केट मेकर भन्साली व्हॅल्यू क्रिएशन्स प्रायव्हेट लिमिटेड आहेत.

पेशवा व्हीट लिमिटेडचे प्रमोटर, चेअरमन आणि मॅनेजिंग डायरेक्टर श्री. राहत अली सय्यद म्हणाले, “आमच्या आयपीओची सुरुवात हा पेशवा व्हीट लिमिटेडसाठी एक महत्त्वाचा टप्पा आहे. गेल्या तीन आर्थिक वर्षांत आम्ही प्रामुख्याने विद्यमान प्लांटचा अधिक क्षमतेने वापर करून व्यवसायात वाढ साधली आहे. या काळात आमची क्षमता वापराची पातळी ५८.७३% वरून ९०.१०% झाली आहे. त्याचवेळी, मध्य प्रदेशातील आमची संपूर्ण गहू खरेदी प्रक्रिया सुरू असून, बिजेपूर, इंदूर येथील आमच्या युनिटमध्ये नमुने घेऊन येणाऱ्या शेतकऱ्यांकडून आम्ही थेट गहू खरेदी करतो.आता क्षमता वापराची पातळी कमाल मर्यादेच्या जवळ पोहोचली असल्याने, निव्वळ निधीचा वापर त्याच ठिकाणी अत्याधुनिक स्वयंचलित रोलर फ्लोअर मिल आणि चक्की होल व्हीट आटा मिल उभारण्यासाठी केला जाणार आहे. यामुळे स्थापित क्षमता ५६,१०० एमटीपीएवरून १,०२,६०० एमटीपीए इतकी होईल. वाढलेल्या उत्पादन क्षमतेला पाठबळ देण्यासाठी कार्यकारी भांडवलाचीही तरतूद केली जाणार आहे.आमचे शून्य कचरा आणि शून्य डिस्चार्ज प्रक्रिया मॉडेल हे व्यवसायाच्या कार्यपद्धतीचे केंद्र राहिले आहे. या मॉडेलअंतर्गत आम्ही दलिया आणि गव्हाचा कोंडा यांचे पशुखाद्य आणि पोल्ट्री फीडमध्ये रूपांतर करून त्यातून उत्पन्न मिळवतो.”

फिनॅक्स कॅपिटल अॅडव्हायझर्स प्रायव्हेट लिमिटेडचे डायरेक्टर श्री. इक्षित शाह म्हणाले, “पेशवा व्हीट लिमिटेडने आर्थिक वर्ष २०२६मध्ये ₹२१,५९३.५२ लाखांचा ऑपरेशन्समधून महसूल नोंदवला, जो आर्थिक वर्ष २०२४मधील ₹८,८१२.९८ लाखांच्या तुलनेत लक्षणीय वाढ दर्शवतो. या कालावधीत कंपनीच्या स्थापित क्षमतेत केवळ एकदाच वाढ करण्यात आली होती.इश्यूमधून मिळणाऱ्या निधीचा वापर विद्यमान इंदूर येथील प्रकल्पाच्या क्षमता विस्तारासाठी आणि कार्यकारी भांडवलासाठी करण्याचा प्रस्ताव आहे. हा वापर अशा मागणीच्या वातावरणाशी सुसंगत आहे, जिथे भारताच्या कृषी-अन्न निर्यातीत प्रक्रिया केलेल्या अन्नपदार्थांचा वाटा आर्थिक वर्ष २०१८मधील १४.९% वरून आर्थिक वर्ष २०२४मध्ये २३.४% झाला आहे.”

पेशवा व्हीट लिमिटेडविषयी :

पेशवा व्हीट लिमिटेड ही इंदूरस्थित एकात्मिक धान्य प्रक्रिया कंपनी आहे. कंपनीचे कामकाज मध्य प्रदेशातील इंदूर जिल्ह्यातील तहसील देपालपूर, बिजेपूर गावातील एका एकात्मिक प्रक्रिया युनिटमधून चालते. या युनिटमध्ये स्वयंचलित क्लीनिंग, सॉर्टेक्स आणि रोलर मिलिंग लाईन्स असून, त्याची स्थापित क्षमता ५६,१०० एमटीपीए आहे. आर्थिक वर्ष २०२६मध्ये कंपनीने ५०,५४६ मेट्रिक टन उत्पादन केले असून, क्षमता वापर ९०.१०% इतका होता. कंपनी आटा अर्थात गव्हाचे पीठ, सॉर्टेक्स गहू, दलिया, गव्हाचा कोंडा, मका पीठ आणि बेसन या सहा उत्पादनांचे ३० किलो आणि ५० किलो पॅकमध्ये उत्पादन व पुरवठा करते.

कंपनीचा संपूर्ण कच्चा माल मध्य प्रदेशातूनच खरेदी केला जातो. यासाठी शेतकरी युनिटमध्ये नमुने घेऊन येतात आणि त्यांची चाचणी केल्यानंतर थेट शेतकऱ्यांकडून कच्च्या मालाची खरेदी केली जाते. कंपनीची विक्री बी२बी सेगमेंटमध्ये सुपर स्टॉकिस्ट आणि थेट मोठ्या ग्राहकांमार्फत केली जाते. आर्थिक वर्ष २०२६मध्ये सुपर स्टॉकिस्टमार्फत ₹११,५३०.९५ लाख, म्हणजेच ऑपरेशन्समधून मिळालेल्या महसुलाच्या ५३.४०% महसूल मिळाला, तर थेट मोठ्या ग्राहकांमार्फत ₹१०,०६२.५७ लाख, म्हणजेच ४६.६०% महसूल मिळाला. मिलिंग प्रक्रियेतून निर्माण होणारा गव्हाचा कोंडा पशुखाद्य आणि पोल्ट्री फीडसाठी विकला जातो. कंपनी याला शून्य कचरा आणि शून्य डिस्चार्ज प्रक्रिया मॉडेल असे संबोधते. कंपनीचे युनिट ISO 22000:2018 फूड सेफ्टी मॅनेजमेंट प्रमाणपत्र आणि FSSAI परवान्यांनुसार कार्यरत आहे. यामध्ये इनबाउंड मटेरियलची दोन टप्प्यांत चाचणी, प्रक्रियेदरम्यान गुणवत्ता नियंत्रण आणि बॅच स्तरावर तयार उत्पादनांची तपासणी केली जाते.

कंपनीची सुरुवात १३ सप्टेंबर २०१७ रोजीच्या पार्टनरशिप डीडनुसार ‘एम/एस. पेशवा व्हीट’ या पार्टनरशिप फर्मच्या स्वरूपात झाली. त्यानंतर २६ डिसेंबर २०२३ला कंपनीचे रूपांतर पब्लिक लिमिटेड कंपनीमध्ये करण्यात आले. कंपनीचे प्रवर्तक राहत अली सय्यद, सदाफ सय्यद, शहनाज, मो. जेद आणि रियाजुद्दीन कुरेशी आहेत. आर्थिक वर्ष २०२६मध्ये कंपनीने ₹२१,५९३.५२ लाखांचा ऑपरेशन्समधून महसूल, ₹२,२७३.३४ लाखांचा EBITDA आणि ₹१,५८०.८२ लाखांचा PAT नोंदवला. आर्थिक वर्ष २०२५मध्ये कंपनीने ₹१७,१५३.५० लाखांचा ऑपरेशन्समधून महसूल, ₹१,८०४.५९ लाखांचा EBITDA आणि ₹१,१८३.६१ लाखांचा PAT नोंदवला. आर्थिक वर्ष २०२६मध्ये कंपनीचा रिटर्न ऑन इक्विटी (ROE) ४४.९६% आणि रिटर्न ऑन कॅपिटल एम्प्लॉइड (ROCE) ३३.४४% होता. ३१ मार्च २०२६ रोजी कंपनीचे डेट-इक्विटी गुणोत्तर ०.५५ पट आणि प्रति इक्विटी शेअर नेट अॅसेट व्हॅल्यू ₹३१.३७ होती.

अस्वीकरण :

या दस्तऐवजातील ऐतिहासिक तथ्ये नसलेली काही विधाने ही भविष्यातील अपेक्षांवर आधारित विधाने आहेत. अशा विधानांमध्ये सरकारी निर्णय, स्थानिक, राजकीय किंवा आर्थिक घडामोडी, तांत्रिक जोखीम तसेच इतर अनेक घटकांशी संबंधित काही जोखीम आणि अनिश्चितता असू शकतात. या घटकांमुळे प्रत्यक्ष परिणाम संबंधित भविष्यातील अपेक्षांवर आधारित विधानांमध्ये नमूद केलेल्या परिणामांपेक्षा लक्षणीयरीत्या वेगळे असू शकतात.अशा विधानांच्या आधारे करण्यात आलेल्या कोणत्याही कृतीसाठी कंपनी कोणत्याही प्रकारे जबाबदार राहणार नाही. तसेच, त्यानंतरच्या घटना किंवा परिस्थिती प्रतिबिंबित करण्यासाठी या भविष्यातील अपेक्षांवर आधारित विधानांमध्ये सार्वजनिकरित्या सुधारणा किंवा अद्ययावत करण्याची कंपनीची कोणतीही जबाबदारी राहणार नाही.