श्री लालबागचा राजा लाइव्ह दर्शन एअरटेल एक्सस्ट्रीम प्लेवर
गणेशोत्सव हा मुंबईसह देशभरातील लोकांना एकत्र आणणारा उत्सव आहे.
POSTED BY : MRUNALI SAKPAL DATED ON : 24/09/2026 (8850212023) 📞
मुंबई (NHI24) : जे भाविक प्रत्यक्ष दर्शनासाठी उपस्थित राहू शकत नाहीत, ते एअरटेल एक्सस्ट्रीम प्लेवरून श्री लालबागचा राजा यांचे लाइव्ह दर्शन घेऊ शकतात. त्यामुळे दूर असतानाही त्यांना या उत्सवाशी जोडलेले राहण्याची संधी मिळते.
गणेशोत्सवादरम्यान भाविकांना अखंड कनेक्टिव्हिटीचा अनुभव मिळावा यासाठी एअरटेलने लालबागचा राजा, मुंबईचा राजा, चिंचपोकळीचा चिंतामणी, खेतवाडीचा गणराज आणि गिरगाव चौपाटी परिसरातील आपले नेटवर्क अधिक सक्षम केले आहे. यामुळे ग्राहकांना सहजपणे कॉल करता येतील, नेव्हिगेशनचा वापर करता येईल आणि आपल्या भेटीदरम्यानचे महत्त्वाचे क्षण कुटुंबीय व मित्रांसोबत शेअर करता येतील. शहरातील सर्वाधिक गर्दीच्या उत्सवस्थळांवरील वाढत्या कनेक्टिव्हिटीच्या मागणीची पूर्तता करणे हा या उपक्रमामागील प्रमुख उद्देश आहे.
अनेक कुटुंबांसाठी गणपती मंडपाला भेट देणे म्हणजे केवळ दर्शन घेणे नसते. प्रवासाचे नियोजन करणे, भेटण्याची ठिकाणे ठरविणे, गर्दीच्या रस्त्यांमधून मार्ग शोधणे आणि घरी असलेल्या नातेवाईकांच्या संपर्कात राहणे हेही त्याचा महत्त्वाचा भाग असतो. तसेच प्रत्यक्ष उपस्थित राहू न शकणाऱ्या आप्तेष्टांसोबत हा उत्सव अनुभवण्यासाठी फोटो, व्हिडिओ कॉल्स आणि सोशल मीडियाचाही मोठ्या प्रमाणावर वापर केला जातो.
एकाच ठिकाणी मोठ्या संख्येने लोक मोबाइल फोनचा वापर करत असताना कॉल्स आणि मोबाइल डेटाची मागणी झपाट्याने वाढते. ही वाढती मागणी लक्षात घेऊन एअरटेलने अपेक्षित गर्दीची हालचाल आणि वापराच्या पद्धतींचा अभ्यास करून अतिरिक्त नेटवर्क क्षमता उपलब्ध करून दिली आहे.
नेटवर्क सुविधा आणि एअरटेल एक्सस्ट्रीम प्लेवरील लाइव्ह दर्शनाच्या माध्यमातून, उत्सवादरम्यान ग्राहकांना आपल्या प्रियजनांच्या संपर्कात राहता यावे आणि महत्त्वाचे क्षण सहजपणे शेअर करता यावेत, हेच एअरटेलचे उद्दिष्ट आहे.
