पॅरामोटर डिजिटल टेक्नॉलॉजीने १,००० कोटी रुपयांच्या आयपीओसाठी सेबीकडे यूडीआरएचपी-I दाखल केला
कंपनी १३९.६० कोटी रुपयांपर्यंत प्री-आयपीओ प्लेसमेंटचा विचार करू शकते.
MRUNALI SAKPAL DATED ON : 16/10/2026 (8850212023) 📞
पॅरामोटर डिजिटल टेक्नॉलॉजी लिमिटेड या डिजिटल गिफ्टिंग, ग्राहक खर्च व्यवस्थापन, तसेच रिवॉर्ड्स आणि लॉयल्टी प्लॅटफॉर्म्स क्षेत्रात कार्यरत असलेल्या फायनान्शियल टेक्नॉलॉजी कंपनीने आपल्या १,००० कोटी रुपयांच्या इनिशियल पब्लिक ऑफरिंगसाठी (आयपीओ) सिक्युरिटीज अँड एक्सचेंज बोर्ड ऑफ इंडियाकडे (सेबी) आपले अपडेटेड ड्राफ्ट रेड हेरिंग प्रॉस्पेक्टस-I (यूडीआरएचपी-I) दाखल केले आहे.
कंपनीच्या या प्रस्तावित आयपीओमध्ये प्रत्येकी १० रुपये दर्शनी मूल्य असलेल्या इक्विटी शेअर्सच्या माध्यमातून ६९८ कोटी रुपयांपर्यंत फ्रेश इश्यूचा आणि ३०२ कोटी रुपयांपर्यंत ऑफर फॉर सेलचा (ओएफएस) समावेश आहे, तसेच एकूण ऑफरचा आकार जवळपास १,००० कोटी रुपयांपर्यंत आहे. या ओएफएसमध्ये प्रमोटर सेलिंग शेअरहोल्डर्स सोनिया पंकज अशर आणि राहुल आनंद यांच्या प्रत्येकी १५१ कोटी रुपयांपर्यंत शेअर्सचा समावेश असेल. असा व्यवहार झाल्यास, लागू नियमांनुसार ही उभारलेली रक्कम फ्रेश इश्यूमधून कमी केली जाईल.
फ्रेश इश्यूमधून मिळणाऱ्या निव्वळ उत्पन्नाचा वापर पुढीलप्रमाणे करण्याचा प्रस्ताव आहे: नवीन ग्राहक जोडणे, ग्राहक टिकवून ठेवणे, ब्रँड व व्यवसाय वाढीच्या उपक्रमांसाठी ३५५ कोटी रुपये; तंत्रज्ञान विकास उपक्रम, क्लाउड इन्फ्रास्ट्रक्चर सेवा आणि आयटी मालमत्तेसाठी ९४ कोटी रुपये; कार्यालयीन पायाभूत सुविधांमधील गुंतवणुकीसाठी ३८ कोटी रुपये; आणि उर्वरित रक्कम सामान्य कॉर्पोरेट उद्दिष्टांसाठी वापरण्यात येईल.
२०१६ मध्ये स्थापन झालेली पॅरामोटर डिजिटल कंपनी प्रीपेड पेमेंट इन्स्ट्रुमेंट्स (पीपीआय), डिजिटल गिफ्टिंग, रिवॉर्ड्स आणि लॉयल्टी सोल्यूशन्स तसेच एंटरप्राइझ टेक्नॉलॉजी सर्व्हिसेस या क्षेत्रांमध्ये कार्यरत आहे. कंपनीच्या सेवांमध्ये प्रीपेड कार्ड वापरकर्त्यांसाठी कंझ्युमर स्पेंड मॅनेजमेंट प्लॅटफॉर्म स्पेंडप्रो; गिफ्ट कार्ड्स आणि रिवॉर्ड पॉइंट्ससाठी डिजिटल मार्केटप्लेस yayyy.shop; कॉर्पोरेट्ससाठी संपूर्ण डिजिटल रिवॉर्ड्स आणि इन्सेंटिव्ह पुरवणारे रिवॉर्डऑन प्लॅटफॉर्म; आणि कस्टमाइज्ड एंटरप्राइझ सॉफ्टवेअर अॅप्लिकेशन्सवर केंद्रित असणारा टेक्निकल व प्लॅटफॉर्म डेव्हलपमेंट सेवांचा व्यवसाय डेव्हस्टॅक समाविष्ट आहे.
कंपनी बँका आणि आरबीआय-परवानाधारक जारीकर्त्यांनी जारी केलेल्या प्रीपेड पेमेंट इन्स्ट्रुमेंट्ससाठी प्रोग्राम मॅनेजर, बिझनेस करस्पॉन्डंट आणि डिस्ट्रिब्युशन एजंट म्हणून काम करते. तसेच, कंपनी मर्चंट्सनी जारी केलेल्या नॉन-रिलोडेबल ब्रँड गिफ्ट कार्ड्सचे वितरणही करते. पीपीआय इश्यूअर्स, गिफ्ट कार्ड अॅग्रीगेटर्स, रिवॉर्ड्स व लॉयल्टी प्रोग्राम्स वापरणारे कॉर्पोरेट्स आणि डेव्हस्टॅक व्यवसायाचे ग्राहक यांचा कंपनीच्या ग्राहकवर्गामध्ये समावेश आहे.
पॅरामोटर डिजिटलचा रिवॉर्ड्स आणि लॉयल्टी व्यवसाय ग्राहकांना त्यांच्या डिजिटल मार्केटप्लेसच्या माध्यमातून रिवॉर्ड पॉइंट्स, गिफ्ट कार्ड्स आणि प्रीपेड कार्ड्स खरेदी व रिडीम करण्याची सुविधा देतो. रिवॉर्डऑनच्या माध्यमातून कॉर्पोरेट ग्राहक लाभार्थ्यांसाठी रिवॉर्ड पॉइंट्सची आखणी, व्यवस्थापन आणि वितरण करू शकतात; लाभार्थी हे पॉइंट्स गिफ्ट कार्ड्स आणि प्रीपेड कार्ड्सच्या कस्टमाइज्ड कॅटलॉगद्वारे रिडीम करू शकतात. तसेच, कंपनीचे स्पेंडप्रो प्लॅटफॉर्म प्रीपेड कार्ड वापरकर्त्यांसाठी ग्राहक खर्च व्यवस्थापन अधिक सुलभ बनवते.
कंपनीच्या विकास धोरणामध्ये आपल्या सर्व सेवांमधील वापरकर्त्यांची संख्या वाढवणे, तंत्रज्ञान आणि पायाभूत सुविधा अधिक सक्षम करणे, नवीन उत्पादने व सेवा विकसित करणे, व्यावसायिक भागीदारी व सहयोग वाढवणे आणि पॅरामोटर ब्रँडला अधिक दृढ करणे यांचा समावेश आहे.
पॅरामोटर डिजिटलचे नेतृत्व कार्यकारी अध्यक्षा आणि पूर्णवेळ संचालक सोनिया पंकज अशर, तसेच व्यवस्थापकीय संचालक राहुल आनंद करत आहेत. सोनिया अशर यांना बँकिंग आणि पेमेंट्स क्षेत्रातील २४ वर्षांहून अधिक काळाचा प्रदीर्घ अनुभव आहे. त्यांनी ग्लोबल पेमेंट्स एशिया-पॅसिफिक इंडिया आणि एचएसबीसीमध्ये वरिष्ठ नेतृत्व पदे भूषवली आहेत. राहुल आनंद यांच्याकडे व्यवस्थापन सल्लागार, ई-कॉमर्स आणि डिजिटल पेमेंट्स क्षेत्रातील १७ वर्षांहून अधिक काळाचा समृद्ध अनुभव आहे.
प्रीपेड कार्ड्स, गिफ्टिंग आणि रिवॉर्ड्सचा समावेश असलेली डिजिटल डायरेक्ट-टू-कंझ्युमर इकोसिस्टम वाढणारा आणि टिकून राहणारा प्रबळ रिटेल वापरकर्ता वर्ग; स्केलेबल एंटरप्राइझ सोल्यूशन्सना पाठबळ देणारे तंत्रज्ञान प्लॅटफॉर्म्स; तसेच भागीदारी विकसित करून टिकवून ठेवण्याची क्षमता ही कंपनीची प्रमुख व्यावसायिक ताकद आहे.
पॅरामोटर डिजिटलचा एकत्रित महसूल आर्थिक वर्ष २०२४ मधील ३३.०८ कोटी रुपयांवरून आर्थिक वर्ष २०२५ मध्ये स्वतंत्र आधारावर ११२.०८ कोटी रुपयांवर पोहोचला आणि त्यानंतर आर्थिक वर्ष २०२६ मध्ये एकत्रित आधारावर ६०३.१५ कोटी रुपयांवर पोहोचला. संबंधित स्वतंत्र व एकत्रित आर्थिक विवरणपत्रांनुसार कंपनीचा करोत्तर नफा (पीएटी) आर्थिक वर्ष २०२४ मधील ४.९४ कोटी रुपयांवरून आर्थिक वर्ष २०२५ मध्ये २४.५१ कोटी रुपये आणि आर्थिक वर्ष २०२६ मध्ये ५९.१४ कोटी रुपयांवर पोहोचला.
३० जून २०२६ रोजी संपलेल्या पहिल्या तिमाहीसाठी कंपनीने २५२.७७ कोटी रुपयांचा एकत्रित महसूल आणि २३.८१ कोटी रुपयांचा करोत्तर नफा नोंदवला आहे. कंपनीचा एबिट्डा ३२.६२ कोटी रुपये राहिला, ज्याचा एबिट्डा मार्जिन १२.९० टक्‍के होता. आर्थिक वर्ष २०२६ मध्ये कंपनीने १.५८ दशलक्ष व्यवहार करणाऱ्या वापरकर्त्यांची नोंद केली असून त्यांचा युझर रिटेन्शन रेट तब्बल ९९ टक्‍के राहिला आहे.
नवीन बिझनेस व्हर्टिकल्सच्या लाँचसह कंपनीच्या महसुलाच्या संरचनेत लक्षणीय बदल झाला आहे. आर्थिक वर्ष २०२६ च्या दुसऱ्या तिमाहीत सुरू झालेल्या कंपनीच्या रिवॉर्ड्स अँड लॉयल्टी व्यवसायाने आर्थिक वर्ष २०२६ मध्ये ग्राहकांशी केलेल्या करारांमधून मिळणाऱ्या महसुलात ४१४.२३ कोटी रुपयांचे, म्हणजेच ६८.६८ टक्‍के योगदान दिले. पीपीआय प्रोग्राम मॅनेजमेंट अँड डिस्ट्रिब्युशन व्यवसायाने १५४.१६ कोटी रुपये म्हणजेच २५.५६ टक्‍के, तर डेव्हस्टॅकने ३४.७६ कोटी रुपये म्हणजेच ५.७६ टक्‍के योगदान दिले. ही आकडेवारी प्रॉस्पेक्टसमध्ये नमूद केलेल्या वेगवेगळ्या महसूल-नोंदणी पद्धतींनुसार आहे, जी रिवॉर्ड्स अँड लॉयल्टी आणि डेव्हस्टॅकचा महसूल एकूण आधारावर, तर पीपीआय प्रोग्राम फी निव्वळ आधारावर नोंदवली जाते.
कंपनीने आर्थिक वर्ष २०२६ मध्ये ९९ टक्‍के युझर रिटेन्शन नोंदवले आहे, जे आर्थिक वर्ष २०२५ मधील ८७.९८ टक्‍के आणि आर्थिक वर्ष २०२४ मधील ९८.४८ टक्‍क्‍यांच्या तुलनेत उल्लेखनीय आहे. कंपनीच्या एकूण व्यवहार करणाऱ्या वापरकर्त्यांची संख्या आर्थिक वर्ष २०२४ मधील १८,२४८ आणि आर्थिक वर्ष २०२५ मधील ४३,२६९ वरून वाढून आर्थिक वर्ष २०२६ मध्ये १.५८ दशलक्षवर पोहोचली आहे.
प्रॉस्पेक्टसमध्ये नमूद केलेल्या फ्रॉस्ट अँड सुलिव्हन (एफअँडएस) अहवालानुसार, कॅलेंडर वर्ष २०२५ मध्ये भारतातील प्रीपेड व्यवहारांची संख्या २ अब्जांवर पोहोचण्याचा अंदाज आहे, तसेच त्यांचे एकूण मूल्य ७०,०९० कोटी रुपये असेल. कॅलेंडर वर्ष २०३० पर्यंत ही बाजारपेठ १,०२,८९० कोटी रुपये मूल्याच्या ४.५ अब्ज व्यवहारांपर्यंत पोहोचण्याचा अंदाज वर्तवण्यात आला आहे. कॅलेंडर वर्ष २०२५ मध्ये भारतातील डिजिटल गिफ्ट कार्ड बाजारपेठेचे मूल्य अंदाजे १५.१ अब्ज अमेरिकन डॉलर्स होते आणि कॅलेंडर वर्ष २०२५ ते कॅलेंडर वर्ष २०३० दरम्यान ते १७.४ टक्‍के सीएजीआर दराने वाढण्याचा अंदाज आहे.
याच कालावधीत, भारतातील रिवॉर्ड्स आणि लॉयल्टी बाजारपेठ कॅलेंडर वर्ष २०२५ मधील ५.०९ अब्ज अमेरिकन डॉलर्सवरून कॅलेंडर वर्ष २०३० पर्यंत १०.५७ अब्ज अमेरिकन डॉलर्सवर जाण्याचा अंदाज अहे, ज्यामध्ये १५.८ टक्‍के सीएजीआर नोंदवला जाईल. दरम्यान, भारतातील फिनटेक सॉफ्टवेअर डेव्हलपमेंट मार्केट २०२५ मधील ०.५३ अब्ज अमेरिकन डॉलर्सवरून २०३० पर्यंत २.१५ अब्ज अमेरिकन डॉलर्सवर पोहोचण्याचा अंदाज आहे, ज्यामधून डिजिटल आर्थिक सेवा आणि तंत्रज्ञान प्लॅटफॉर्म्समधील मोठ्या संधी दिसून येतात.
मोतीलाल ओसवाल इन्व्हेस्टमेंट अडव्हायझर्स लिमिटेड आणि इक्विरस कॅपिटल लिमिटेड हे या इश्यूसाठी बुक रनिंग लीड मॅनेजर्स (बीआरएलएम) आहेत. एमयुएफजी इनटाईम इंडिया प्रायव्हेट लिमिटेड या ऑफरची रजिस्ट्रार आहे.
