हॅना जोसेफ हॉस्पिटल लिमिटेडचा आयपीओ २२ जानेवारी २०२६ पासून खुला

POSTED BY : MRUNALI SAKPAL DT. 21/01/2026 📞  8850212023

• एकूण इश्यू आकार – ₹10 दर्शनी मूल्य असलेल्या जास्तीत जास्त 60,00,000 इक्विटी शेअर्स
• आयपीओ आकार – ₹42.00 कोटी (वरच्या किंमत पट्ट्यानुसार)
• किंमत पट्टा – प्रति शेअर ₹67 ते ₹70
• लॉट साइज – 2,000 इक्विटी शेअर्स

POSTED BY : MRUNALI SAKPAL DT. 03/01/2026 📞  8850212023

मुंबई NHI24.COM(M)  – मदुराई येथील न्यूरोसाइन्सेस आणि ट्रॉमा यांवर लक्ष केंद्रित करणारे मल्टी-स्पेशालिटी टर्शियरी केअर रुग्णालय हॅना जोसेफ हॉस्पिटल लिमिटेड (हॅना जोसेफ / कंपनी)  ने आपला इनिशियल पब्लिक ऑफरिंग (आयपीओ) 22 जानेवारी 2026 रोजी उघडण्याची घोषणा केली आहे. या आयपीओद्वारे कंपनी ₹42.00 कोटी (अप्पर प्राइस बँडवर) उभारण्याचा मानस ठेवत असून, यासाठी 60,00,000 इक्विटी शेअर्सचा फ्रेश इश्यू करण्यात येणार आहे. कंपनीचे शेअर्स बीएसई एसएमई प्लॅटफॉर्मवर सूचीबद्ध होणार आहेत.

हा इश्यू ₹10 अंकित मूल्य असलेल्या 60,00,000 इक्विटी शेअर्सचा असून, यासाठी ₹67 ते ₹70 प्रति शेअर असा प्राइस बँड निश्चित करण्यात आला आहे.

 इक्विटी शेअर्सचे वाटप :
•  क्वालिफाइड इन्स्टिट्यूशनल बायर्स (QIB) – जास्तीत जास्त 28,46,000 इक्विटी शेअर्स

• नॉन-इन्स्टिट्यूशनल गुंतवणूकदार (NII) – किमान 8,58,000 इक्विटी शेअर्स
• खाजगी गुंतवणूकदार – किमान 19,96,000 इक्विटी शेअर्स
• मार्केट मेकर – 3,00,000 इक्विटी शेअर्स

आयपीओमधून मिळणारा निव्वळ निधी रेडिएशन ऑन्कोलॉजी सेंटर स्थापन करण्यासाठी लागणाऱ्या भांडवली खर्चासाठी तसेच सामान्य कॉर्पोरेट उद्देशांसाठी वापरण्यात येणार आहे.अँकर गुंतवणूकदारांसाठीचा भाग बुधवार, २१ जानेवारी २०२६ रोजी खुला होईल. हा इश्यू गुरुवार, २२ जानेवारी २०२६ रोजी खुला होऊन मंगळवार, २७ जानेवारी २०२६ रोजी बंद होईल.

या इश्यूचे बुक रनिंग लीड मॅनेजर कॅपिटल स्क्वेअर अ‍ॅडव्हायझर्स प्रायव्हेट लिमिटेड असून, इश्यूचे रजिस्ट्रार बिगशेअर सर्व्हिसेस प्रायव्हेट लिमिटेड आहेत.

हॅना जोसेफ हॉस्पिटल लिमिटेडचे चेअरमन आणि व्यवस्थापकीय संचालक डॉ. मोसेसजोसेफ अरुणकुमार यांनी प्रतिक्रिया व्यक्त करताना सांगितले,“स्थापनेपासूनच आम्ही प्रगत, नैतिक आणि रुग्णकेंद्रित आरोग्यसेवा देण्यासाठी कटिबद्ध आहोत. एकाच विशेष उपचारांवर केंद्रित असलेल्या रुग्णालयापासून बहुवैशिष्ट्यपूर्ण तृतीय दर्जाच्या (टर्शरी केअर) रुग्णालयापर्यंत झालेला आमचा प्रवास हा क्लिनिकल उत्कृष्टता, आधुनिक तंत्रज्ञान आणि कुशल वैद्यकीय व्यावसायिकांमध्ये केलेल्या सातत्यपूर्ण गुंतवणुकीचे प्रतिबिंब आहे. गुंतागुंतीच्या न्यूरोलॉजिकल, न्यूरोसर्जिकल, हृदयविकार आणि ट्रॉमा उपचारांसाठी प्रादेशिक संदर्भ केंद्र म्हणून आम्ही दक्षिण तमिळनाडूतील वाढत्या आरोग्यसेवा गरजा पूर्ण करण्यासाठी आमची पायाभूत सुविधा आणि क्लिनिकल क्षमता सातत्याने मजबूत करत आलो आहोत.

प्रस्तावित आयपीओमुळे कंपनीच्या नियोजित क्षमता आणि सेवा विस्तार उपक्रमांना पाठबळ मिळेल, ज्यामुळे आमच्या क्लिनिकल सेवांचा अधिक विस्तार होऊन एकात्मिक, सुरुवातीपासून शेवटपर्यंतची (एंड-टू-एंड) आरोग्यसेवा देणे शक्य होईल. हे उपक्रम रुग्णांची सोय वाढवणे, उपचारांचे परिणाम सुधारण्यावर केंद्रित असून, एकााच प्लॅटफॉर्मवर गुंतागुंतीच्या वैद्यकीय गरजा पूर्ण करण्याची कंपनीची क्षमता वाढवतील. या विस्तारामुळे अंतर्गत (इन-पेशंट) आणि बाह्य (आउट-पेशंट) रुग्णसंख्येत वाढ होऊन मध्यम ते दीर्घ कालावधीत महसुलात शाश्वत वाढ होण्याची अपेक्षा आहे.”

कॅपिटल स्क्वेअर अ‍ॅडव्हायझर्स प्रायव्हेट लिमिटेडचे संस्थापक व संचालक श्री. सुनील कुमार मनोचा यांनी सांगितले,“हॅना जोसेफ हॉस्पिटल आपल्या मुख्य बाजारपेठेत टर्शरी केअर सुविधा चालवते आणि न्यूरोसायन्सेस, कार्डिओलॉजी, ट्रॉमा आणि क्रिटिकल केअर या क्षेत्रांवर विशेष लक्ष केंद्रित करते. मान्यताप्राप्त ऑपरेशन्स आणि सरकारी विमा योजनांमधील सहभागाच्या पाठबळावर, रुग्णालय क्षमता वाढवणे आणि सेवा एकत्रीकरणासाठी अतिरिक्त भांडवलाचा प्रभावी वापर करण्याच्या स्थितीत आहे.

हे उपक्रम क्लिनिकल सेवांचा विस्तार, रुग्ण प्रवाह (पेशंट थ्रूपुट) आणि केसमिक्स सुधारण्यास मदत करतील तसेच इन-पेशंट आणि आऊट-पेशंट महसुलातील वाढीस पाठबळ देतील.”