आनंद राठी शेअर अँड स्टॉक ब्रोकर्स लिमिटेडकडून ३० जून २०२६ रोजी संपलेल्या तिमाहीचे आर्थिक निकाल जाहीर

POSTED BY : MRUNALI SAKPAL DT. 18/07/2026 📞  8850212023

• आर्थिक वर्ष २०२७ च्या पहिल्या तिमाहीत कार्यसंचालनांमधून मिळणारा महसूल वार्षिक आधारावर २२ टक्क्यांनी वाढून २,४६१ दशलक्ष रुपयांवर पोहोचला, तर ईबीआयटीडीए ३० टक्क्यांनी वाढून ९७३ दशलक्ष रुपयांवर (४० टक्‍के ईबीआयटीडीए मार्जिन) पोहोचला.
• करोत्तर नफा (पीएटी) (अपवादात्मक बाबींपूर्वीचा) ७१ टक्क्यांनी वाढून ३९१ दशलक्ष रुपयांवर (१६ टक्‍के पीएटी मार्जिन) पोहोचला आणि करोत्तर नफा (पीएटी) (अपवादात्मक बाबींनंतरचा) २ टक्क्यांनी वाढून २३४ दशलक्ष रुपयांवर (९ टक्‍के पीएटी मार्जिन) पोहोचला.
• मार्जिन ट्रेडिंग फॅसिलिटी (एमटीएफ) बुक वार्षिक आधारावर ५५ टक्क्यांनी वाढून १३,३१८ दशलक्ष रुपयांवर पोहोचले, ज्याला लीव्हरेज्ड गुंतवणूक उपायांची मोठी मागणी आणि भांडवली बाजारपेठेत ग्राहकांच्या वाढलेल्या सहभागामुळे गती मिळाली.
• व्यवस्थापनाखालील मालमत्ता (एयूएम) वार्षिक आधारावर २६ टक्क्यांनी वाढून ९४,७९१ दशलक्ष रुपयांवर पोहोचली, ज्यामुळे कंपनीच्या आवर्ती महसूल क्षमतेत अधिक वाढ झाली आहे.

MUMBAI : RMI.IN : आनंद राठी शेअर अँड स्टॉक ब्रोकर्स लिमिटेडने (BSE:५४४५३०) (NSE:ARSSBL) ३० जून २०२६ रोजी संपलेल्या तिमाहीचे आपले लेखापरीक्षित न केलेले एकत्रित आर्थिक निकाल जाहीर केले.

मुख्य आर्थिक वैशिष्ट्ये आणि ऑपरेटिंग मेट्रिक्स (एकत्रित)

विभागीय कामगिरी

३० जून २०२६ पर्यंत मुख्य कार्यसंचालन माहिती

व्यवस्थापकीय मत

या निकालांबाबत मत व्यक्त करत अध्यक्ष आणि व्यवस्थापकीय संचालक श्री. प्रदीप गुप्‍ता म्हणाले: “भौगोलिक-राजकीय अनिश्चितता, बाजारपेठेतील चढ-उतार आणि नियामक पुनर्रचना यांनी व्यापलेल्या आव्हानात्मक तिमाहीत भारतीय शेअर बाजाराने आपला मार्ग काढला. या अडथळ्यांनंतरही, आम्ही आमच्या व्यावसायिक मॉडेलची स्थिरता दाखवत प्रबळ तिमाही कामगिरी सादर केली आहे. ब्रोकिंग महसूल वार्षिक आधारावर १५.३५ टक्क्यांनी वाढला, तर नॉन-ब्रोकिंग महसूल ४३.२० टक्क्यांनी वाढला, ज्याने आमच्या संतुलित महसूल प्रोफाइलच्या ताकदीला अधिक दृढ केले आहे. व्यवस्थापनाखालील मालमत्ता २५.८२ टक्क्यांनी वाढून ९४,७९१ दशलक्ष रुपयांवर पोहोचली आणि आमचे मार्जिन ट्रेडिंग फंडिंग बुक ५४.६२ टक्क्यांनी वाढून १३,३१८.४६ दशलक्ष रुपयांवर पोहोचले, ज्‍यामधून ग्राहकांचा निरंतर विश्वास आणि सहभाग दिसून येतो. आम्हाला वाढत जाणारा गुंतवणूकदार वर्ग आणि बचतीचे वाढते आर्थिकीकरण यांच्या पाठबळावर भारताच्या भांडवली बाजारपेठेच्या दीर्घकालीन क्षमतेबद्दल पूर्ण विश्वास आहे. आम्ही तंत्रज्ञानामध्ये गुंतवणूक करणे, ग्राहकांचा अनुभव सुधारणे आणि आमच्या उत्पादनांची क्षमता वाढवणे सुरू ठेवत असताना शाश्वत वाढ साध्य करण्यासाठी आणि सर्व भागधारकांसाठी शाश्वत मूल्य निर्माण करण्यासाठी चांगल्या स्थितीत आहोत.”

पूर्णवेळ संचालक श्री. रूप किशोर भूत्रा म्हणाले: “आव्हानात्मक मॅक्रोइकॉनॉमिक पार्श्वभूमी आणि बाजारपेठेतील वाढते चढ-उतार असूनही आम्ही आर्थिक वर्ष २०२७ ची सुरुवात प्रबळ कामगिरीने केली आहे. या तिमाहीत, कार्यसंचालनांमधून मिळणारा महसूल वार्षिक आधारावर २२.३७ टक्क्यांनी वाढून २,४६१.०३ दशलक्ष रुपयांवर पोहोचला, तर समायोजित ईबीआयटीडीए ३०.१९ टक्क्यांनी वाढून ९७३.०० दशलक्ष रुपयांवर पोहोचला, ज्यामुळे ३९.५४ टक्क्यांचा उत्तम ईबीआयटीडीए मार्जिन मिळाले. आमचे उत्पन्न प्रोफाइल वाढीच्या विविध घटकांद्वारे समर्थित राहिले आहे, ज्यामध्ये तिमाहीदरम्यान एमटीएफ व्याज उत्पन्न ५२.२६ टक्क्यांनी वाढून ४२७.७० दशलक्ष रुपयांवर आणि वितरण उत्पन्न ३१.०७ टक्क्यांनी वाढून २७५.२४ दशलक्ष रुपयांवर पोहोचले आहे. ग्राहकांची निष्ठा हे आमचे एक मुख्य वेगळेपण राहिले आहे, जिथे आमचे ५७.४ टक्‍के ग्राहक तीन वर्षांपेक्षा जास्त काळापासून आमच्याशी जोडलेले आहेत. हे आम्ही वेळोवेळी निर्माण केलेला विश्वास आणि दीर्घकालीन संबंध दर्शवते. आम्ही संपूर्ण भारतात आमच्या उपस्थितीचा विस्तार करणे देखील सुरू ठेवले असून तिमाही अखेरपर्यंत आमचे जाळे ३१९ शहरांमध्ये विस्तारले आहे. पुढे जात असताना, एका संतुलित आणि विस्तारण्यायोग्य व्यावसायिक मॉडेलद्वारे ग्राहकांचे संबंध अधिक दृढ करणे, आमचा तंत्रज्ञान प्लॅटफॉर्म सुधारणे आणि शाश्वत वाढीला गती देणे यावर आमचे पूर्ण लक्ष केंद्रित राहील.”

About Anand Rathi Share and Stock Brokers Limited

Incorporated in 1991, Anand Rathi Share and Stock Brokers Limited is a well-established, full-service brokerage firm in India. Operating under the brand ‘Anand Rathi’, the company offers a range of services including stock broking, margin trading facility and distribution of financial products to a diverse set of clients across retail, high net worth individuals, ultra-high net worth individuals, non-resident Indians and institutions.