क्रतिकाल टेक लिमिटेडचा आयपीओ ३० जून २०२६ पासून खुला  

POSTED BY : MRUNALI SAKPAL DATED ON 23/06/2026 (8850212023)

• एकूण इश्यू आकार – प्रत्येकी ₹10 दर्शनी मूल्य असलेले 29,40,000 पर्यंत इक्विटी शेअर्स

• आयपीओ आकार – ₹39.69 कोटी (उच्च किंमत पट्टीनुसार)

• किंमत पट्टा – प्रति शेअर ₹128 ते ₹135

• लॉट साइज – 1,000 इक्विटी शेअर्स

मुंबई, २३ जून २०२६ – कृत्रिम बुद्धिमत्ता आधारित आणि सॉफ्टवेअर-अॅज-अ-सर्व्हिस मॉडेलवर कार्यरत सायबर सुरक्षा कंपनी क्रतिकाल टेक लिमिटेड आपला आयपीओ (इनिशियल पब्लिक ऑफरिंग) ३० जून २०२६ रोजी खुला करणार आहे. उच्च किंमत पट्टीनुसार कंपनी या इश्यूद्वारे ₹39.69 कोटी उभारण्याचे  उद्दिष्ट ठेवत असून, कंपनीचे शेअर्स बीएसई एसएमई प्लॅटफॉर्मवर सूचीबद्ध होणार आहेत.

या इश्यूअंतर्गत प्रत्येकी ₹10 दर्शनी मूल्य असलेले 29,40,000 इक्विटी शेअर्स जारी करण्यात येणार असून, किंमत पट्टा प्रति शेअर ₹128 ते ₹135 निश्चित करण्यात आला आहे.

इक्विटी शेअर्सचे वाटप:

• क्यूआयबी अँकर पोर्शन – 8,31,000 पर्यंत इक्विटी शेअर्स

• क्वालिफाइड इन्स्टिट्यूशनल बायर्स – जास्तीत जास्त 5,58,000 इक्विटी शेअर्स

• नॉन-इन्स्टिट्यूशनल इन्व्हेस्टर्स – किमान 4,23,000 इक्विटी शेअर्स

• इंडिव्हिज्युअल इन्व्हेस्टर्स – किमान 9,78,000 इक्विटी शेअर्स

• मार्केट मेकर – 1,50,000 पर्यंत इक्विटी शेअर्स

इनिशियल पब्लिक ऑफरिंगमधून मिळणाऱ्या निव्वळ निधीचा वापर कंपनीच्या थ्रेटकॉप एफझेड एलएलसी (संयुक्त अरब अमिराती) आणि थ्रेटकॉप एआय इन्क. (अमेरिका) या उपकंपन्यांमध्ये गुंतवणुकीसाठी करण्यात येणार आहे. हा निधी प्रामुख्याने विक्री व विपणन उपक्रम, मनुष्यबळ विकास, उत्पादन विकास तसेच सर्वसाधारण कॉर्पोरेट उद्दिष्टांसाठी वापरला जाईल. अँकर गुंतवणूकदारांसाठीचा भाग २९ जून २०२६ (सोमवार) रोजी खुला होईल. इनिशियल पब्लिक ऑफरिंग ३० जून २०२६ (मंगळवार) रोजी खुला होऊन २ जुलै २०२६ (गुरुवार) रोजी बंद होईल.

क्रतिकाल टेक लिमिटेडचे अध्यक्ष, व्यवस्थापकीय संचालक आणि मुख्य कार्यकारी अधिकारी श्री. पवन कुमार यांनी सांगितले, “सायबर सुरक्षा क्षेत्रात झपाट्याने बदल होत असून आजच्या घडीला संस्थांना त्यांच्या कर्मचारी, प्रक्रिया आणि तंत्रज्ञानाचे संरक्षण करण्यासाठी बुद्धिमान, सक्रिय आणि सर्वसमावेशक उपायांची आवश्यकता आहे. क्रतिकाल टेकमध्ये आम्ही कृत्रिम बुद्धिमत्ता आधारित एक वैशिष्ट्यपूर्ण सायबर सुरक्षा प्लॅटफॉर्म विकसित केला आहे, जो उद्योगांना त्यांची सायबर सुरक्षा क्षमता अधिक बळकट करण्यास आणि नव्याने उद्भवणाऱ्या धोक्यांपासून एक पाऊल पुढे राहण्यास सक्षम करतो.

आमच्या आयपीओची सुरुवात हा आमच्या प्रवासातील एक महत्त्वाचा टप्पा असून, आमच्या व्यवसाय मॉडेल, तांत्रिक क्षमता आणि भविष्यातील वाढीच्या संधींवरील आमचा दृढ विश्वास दर्शविते. या इश्यूमधून उभारण्यात येणारा निधी आमच्या जागतिक विस्ताराला गती देण्यासाठी, उत्पादन पोर्टफोलिओ अधिक मजबूत करण्यासाठी, नवोन्मेषात गुंतवणूक वाढविण्यासाठी तसेच प्रमुख बाजारपेठांमधील विक्री, विपणन आणि कुशल मनुष्यबळ क्षमतांना अधिक बळकटी देण्यासाठी वापरण्यात येईल.

जगभरात डिजिटल परिवर्तनाला वेग मिळत असताना, मजबूत सायबर सुरक्षा उपायांची मागणी मोठ्या प्रमाणात वाढण्याची अपेक्षा आहे. आमचा सिद्ध कामगिरीचा इतिहास, ग्राहकांशी असलेले मजबूत संबंध आणि विस्तारक्षम सेवा म्हणून सॉफ्टवेअर आधारित प्लॅटफॉर्म यांच्या बळावर या संधींचा लाभ घेण्यासाठी आम्ही सक्षम स्थितीत आहोत.”

क्रतिकाल टेक लिमिटेड विषयी:

क्रतिकाल टेक लिमिटेड ही कृत्रिम बुद्धिमत्ता आधारित आणि (सॉफ्टवेअर-अॅज-अ-सर्व्हिस) आधारित सायबर सुरक्षा कंपनी असून, 200 कुशल व्यावसायिकांच्या टीमच्या माध्यमातून 677 हून अधिक ग्राहकांना सेवा प्रदान करते. कंपनी दोन परस्परपूरक व्यवसाय विभागांद्वारे आणि सेवांद्वारे कार्यरत असून, सायबर जोखीम कमी करण्यासाठी आणि संस्थांची सायबर सुरक्षा क्षमता मजबूत करण्यासाठी एक वैशिष्ट्यपूर्ण दुहेरी-स्तरीय दृष्टिकोन अवलंबते.

• पीपल सिक्युरिटी मॅनेजमेंट: कंपनीच्या थ्रेटकॉप प्लॅटफॉर्मद्वारे फिशिंगसारख्या मानवी घटकांशी संबंधित सायबर जोखमींचे मूल्यांकन केले जाते तसेच कर्मचाऱ्यांना प्रशिक्षण देऊन त्या जोखमी कमी केल्या जातात.

• तंत्रज्ञान आणि प्रक्रिया सुरक्षा: क्रतिकाल ब्रँडअंतर्गत कंपनी तंत्रज्ञान प्रणालींसाठी सर्वसमावेशक सायबर सुरक्षा उपाय आणि संरक्षण सेवा पुरवते.

या दोन्ही सेवांद्वारे कंपनी वाढत्या आणि अधिक गुंतागुंतीच्या सायबर धोक्यांच्या वातावरणात लोक – प्रक्रिया– तंत्रज्ञानया संपूर्ण चौकटीसाठी एकात्मिक संरक्षण प्रदान करते.

आर्थिक वर्ष 2025-26 (FY26) मध्ये कंपनीने ₹3,671.59 लाख महसूल, ₹908.08 लाख EBITDA आणि ₹614.25 लाख निव्वळ नफा नोंदवला.