टाटा मुंबई मॅरेथॉन २०२७ साठी नोंदणी सुरू

POSTED BY : MRUNALI SAKPAL DT. 31/07/2026 📞  8850212023

• – १७ जानेवारी २०२७ रोजी होणाऱ्या आशियातील सर्वात प्रतिष्ठित मॅरेथॉनसाठी महाराष्ट्राचे मा. राज्यपाल श्री. जिष्णू देव वर्मा यांनी सर्वप्रथम नोंदणी केली
• – ‘एअर इंडिया एक्सप्रेस’ अधिकृत एअरलाइन भागीदार (Official Airline Partner) म्हणून सहभागी

 

मुंबई NHI24.COM : भारतातील लांब पल्ल्याच्या रेसमधील (डिस्टन्स रनिंग’) अग्रणी असलेल्या ‘प्रोकॅम इंटरनॅशनल’ ने आज टाटा मुंबई मॅरेथॉनच्या २२व्या आवृत्तीसाठी नोंदणी सुरू झाल्याची घोषणा केली. ही स्पर्धा १७ जानेवारी २०२७ रोजी होणार आहे. या उपक्रमाच्या शुभारंभप्रसंगी, महाराष्ट्राचे मा. राज्यपाल श्री. जिष्णू देव वर्मा यांनी टाटा मुंबई मॅरेथॉन २०२७ साठी सर्वप्रथम नोंदणी केली.

२००४ मध्ये सुरू झाल्यापासून, टाटा मुंबई मॅरेथॉन ही जगातील सर्वात मोठ्या लोकसहभागाच्या चळवळींपैकी एक बनली आहे. खेळ, आरोग्य, सर्वसमावेशकता आणि परोपकार यांच्या परिवर्तनशील शक्तीद्वारे ही स्पर्धा लाखो लोकांना प्रेरित करते. ही केवळ एक रेस नसून, ती मुंबईची जिद्द, औदार्य आणि अदम्य उत्साह यांचा उत्सव आहे; जी शहर, देश आणि जगभरातील लोकांना एकत्र आणते. शर्यतीच्या दिवशी, प्रत्येक पाऊल, प्रत्येक प्रोत्साहन आणि प्रत्येक हृदयाचा ठोका हा मुंबईचाच असतो – #HarDilMumbai.

‘वर्ल्ड ॲथलेटिक्स गोल्ड लेबल’चा दर्जा असलेली टाटा मुंबई मॅरेथॉन एकूण ३,८९,५२४ अमेरिकन डॉलर्सची बक्षीस रक्कम देणार आहे, ज्यामुळे जगभरातील सर्वोत्तम खेळाडू आणि हौशी धावपटू याकडे आकर्षित होतील. प्रत्यक्ष (फिजिकल) आणि आभासी (व्हर्च्युअल) अशा दोन्ही प्रकारच्या रेस प्रकारांसाठी आज, शुक्रवार, ३१ जुलै २०२६ रोजी https://tatamumbaimarathon.procam.in/ या संकेतस्थळावर नोंदणी सुरू होईल. मुंबई मॅरेथॉन रविवार, १७ जानेवारी २०२७ रोजी ऐतिहासिक छत्रपती शिवाजी टर्मिनस येथून सुरू होईल.

महाराष्ट्र शासनाचा या कार्यक्रमाला असलेला निरंतर पाठिंबा आणि धावण्याच्या माध्यमातून आरोग्यदायी जीवनशैलीला प्रोत्साहन देणे, नागरिकत्वाची अभिमानभावना जोपासणे व विविध समुदायांना एकत्र आणणे हा याचा दीर्घकालीन वारसा दर्शवत, माननीय मुख्यमंत्री श्री. देवेंद्र फडणवीस हे ‘टाटा मुंबई मॅरेथॉन’चे मुख्य आश्रयदाते (Chief Patron) म्हणून कार्यरत आहेत.

टाटा सन्सचे कॉर्पोरेट ब्रँड आणि मार्केटिंग प्रमुख, ॲड्रियन टेरॉन म्हणाले,  “टाटा मुंबई मॅराथॉन ही भारताची जिद्द, चिकाटी आणि सामूहिक आकांक्षांचे प्रतिबिंब आहे. आपल्या २२ व्या आवृत्तीत पदार्पण करताना, हे प्रतिष्ठित व्यासपीठ खेळ, आरोग्य, सर्वसमावेशकता आणि परोपकार यांद्वारे लोकांना एकत्र आणते आणि देशभरातून तसेच जगभरातून लोकांना यात सहभागी होण्यासाठी प्रेरित करते. मानवी क्षमतेची ताकद आणि समुदायांना एकत्र आणणारी शाश्वत मूल्ये यांचा गौरव करणाऱ्या या चळवळीला पाठिंबा देताना आम्हाला अभिमान वाटतो.”

टीसीएसचे (TCS) इंडिया बिझनेस आणि स्ट्रॅटेजिक अकाउंट्स-ग्रोथ मार्केट्सचे अध्यक्ष, उज्ज्वल माथूर म्हणाले, “टाटा मुंबई मॅरेथॉनची जादू नोंदणी सुरू होण्याच्या क्षणापासूनच सुरू होते. या मॅरेथॉनमध्ये धावणे हे केवळ शारीरिक क्षमतेचे प्रदर्शन नाही, तर ते प्रगती आणि स्व-सुधारणेसाठी असलेल्या दीर्घकालीन कटिबद्धतेचे प्रतीक आहे. टीसीएसमध्ये आम्ही त्या समर्पणाला पाठिंबा देण्यावर विश्वास ठेवतो, कारण आम्ही आमच्या ग्राहकांसोबत मॅराथॉनमध्ये धावतो आणि दीर्घ व गुंतागुंतीचे प्रवास हातात हात घालून पूर्ण करतो. आज जे स्पर्धक आपले पहिले पाऊल टाकत आहेत, त्यांना सांगू इच्छितो की, अधिक आरोग्यदायी आणि कणखर व्यक्तिमत्त्व घडवण्याच्या प्रवासात आम्ही तुमच्या सोबत आहोत.”

 श्री जिष्णु देव वर्मा, माननीय राज्यपाल, महाराष्ट्र: “मला हे जाणून खूप आनंद होत आहे की, एका उपक्रमाच्या (इव्हेंट) रूपात सुरू झालेली मॅरेथॉन आज एका चळवळीचे रूप धारण कर चुकी आहे. सर्व वयोगटातील आणि समाजातील सर्व घटकांतील लोक खांद्याला खांदा लावून धावताना पाहणे आनंददायी आहे, जिथे प्रत्येक जण आपापल्या हेतूसाठी धावत असताना राष्ट्राच्या एका मोठ्या ध्येयामध्ये योगदान देत आहे. मॅरेथॉनची भावना ही नेहमीच केवळ आकड्यांपेक्षा मोठी असते, आणि मला आनंद आहे की ‘टाटा मुंबई मॅरेथॉन’ परोपकार आणि करुणेच्या माध्यमातून मुंबईच्या पलीकडेही पोहोचत आहे.”

आयडीएफसी फर्स्ट बँकेचे मुख्य विपणन अधिकारी (CMO), श्रीपाद शेंडे म्हणाले, प्रगतीची सुरुवात लोकांकडून म्हणजेच आमचे ग्राहक आणि समुदाय यांच्यापासून होते, असा आयडीएफसी फर्स्ट बँकेचा विश्वास आहे. टाटा मुंबई मॅराथॉनसोबतची आमची भागीदारी अधिक आरोग्यदायी, सर्वसमावेशक आणि सशक्त समाजाला पाठिंबा देण्याच्या आमच्या कटिबद्धतेचे दर्शन घडवते. दरवर्षी, ही मॅरेथॉन विविध पार्श्वभूमीच्या लोकांना एकत्र आणते; त्यांची जिद्द, चिकाटी आणि उत्साह आम्हाला प्रेरित करतो. हा मुंबईच्या ऊर्जेचा आणि सकारात्मक प्रभाव निर्माण करण्यासाठी एकत्र येणाऱ्या समुदायांच्या शक्तीचा उत्सव आहे. आरोग्य आणि सामूहिक प्रगतीला प्रोत्साहन देणाऱ्या या कार्यक्रमाशी जोडले गेल्याचा आम्हाला अभिमान वाटतो.”

‘एअर इंडिया एक्सप्रेस’ची ‘एअरलाइन पार्टनर’ म्हणून भागीदारी

टाटा समूहाची विमानसेवा कंपनी आणि एअर इंडिया लिमिटेडची पूर्ण मालकीची उपकंपनी असलेली ‘एअर इंडिया एक्सप्रेस’ (जी स्मार्ट तंत्रज्ञान आणि भारतीय आदरातिथ्याच्या जोडीने उत्तम कनेक्टिव्हिटी प्रदान करते) आता ‘टाटा मुंबई मॅरेथॉन’ची ‘एअरलाइन पार्टनर’ बनली आहे.

या भागीदारीचे औचित्य साधून, एअर इंडिया एक्सप्रेसने ‘रनर्स पासपोर्ट’ (धावपटूंचा पासपोर्ट) ही एक अनोखी संकल्पना सादर केली आहे. धावपटू विविध शहरांमध्ये आणि अनेक वर्षांपासून करत असलेल्या प्रवासाचा यात गौरव केला जातो. या उपक्रमाचा एक भाग म्हणून, सहभागी धावपटूंना ३१ जुलै ते ३० डिसेंबर २०२६ या कालावधीत एअर इंडिया एक्सप्रेसच्या विमान प्रवासाच्या बुकिंगवर २० टक्के पर्यंत सवलत दिली जात आहे. या ऑफरचा लाभ घेण्यासाठी www.airindiaexpress.com किंवा एअर इंडिया एक्सप्रेस ॲपवर ‘RUNBOM’ हा कोड वापरावा लागेल. मॅरेथॉनच्या दिवशी, एअर इंडिया एक्सप्रेस ‘बॅगेज मॅनेजमेंट’ (सामान व्यवस्थापन) सेवाही पुरवणार आहे, ज्यामुळे धावपटूंना प्रवासाशी संबंधित सामानाची चिंता न करता पूर्णपणे रेसवर लक्ष केंद्रित करता येईल.

एअर इंडिया समूहाचे मार्केटिंग, ई-कॉमर्स आणि लॉयल्टी विभागाचे प्रमुख सुनील सुरेश म्हणाले, “बेंगळुरू, दिल्ली, कोलकाता आणि मुंबई येथील भारतातील प्रमुख मॅरेथॉन स्पर्धांसोबतची आमची भागीदारी, लोक, ठिकाणे आणि संस्कृती यांच्यात अर्थपूर्ण नाते निर्माण करण्याच्या एअर इंडिया एक्सप्रेसच्या कटिबद्धतेचे प्रतीक आहे. प्रवासाप्रमाणेच, या स्पर्धा सामायिक उद्देश, जिद्द आणि सहभागाच्या माध्यमातून लोकांना आणि समुदायांना एकत्र आणतात. नवनवीन गोष्टींचा शोध घेण्यास प्रेरणा देणाऱ्या, परस्पर संबंध दृढ करणाऱ्या आणि एकतेच्या भावनेचा उत्सव साजरा करणाऱ्या अशा उपक्रमांना पाठिंबा देताना आम्हाला आनंद होत आहे.”

धावपटूंचा अनुभव अधिक समृद्ध करणे

मॅरेथॉनच्या दिवशी मिळणारे खास बक्षीस: प्रत्येक मॅरेथॉन स्पर्धकाला, स्पर्धेच्या स्पोर्ट्स गुड्स पार्टनरच्या सौजन्याने, ASICS चा एक खास टी-शर्ट मिळेल, तर हाफ मॅरेथॉन स्पर्धकांना टाटा सन्सद्वारे प्रायोजित टी-शर्ट मिळेल. मॅरेथॉन, हाफ मॅरेथॉन आणि ओपन १०के मधील सर्व फिनिशर्सना त्यांच्या कामगिरीच्या स्मरणार्थ फिनिशर मेडल आणि डाउनलोड करण्यायोग्य टायमिंग सर्टिफिकेट दिले जाईल.

टीएमएम ग्रीन बिब – एक ॲग्रो फॉरेस्ट उपक्रम: प्रत्येक धावपटू फक्त ₹६५१ मध्ये ग्रीन बिबमध्ये अपग्रेड करू शकतो, ज्यामुळे तीन वर्षांसाठी एक झाड लावण्यास, त्याची देखभाल करण्यास आणि ते टिकवून ठेवण्यास मदत होईल. ‘ॲग्री+हॉर्टि’ मॉडेलवर आधारित हा उपक्रम सोलापूरमधील शेतकऱ्यांच्या उपजीविकेला आधार देतो, त्याचबरोबर जमिनीचे आरोग्य सुधारतो, जैवविविधता पुनर्संचयित करतो आणि कार्बन उत्सर्जन कमी करतो.

महिलांच्या सहभागास प्रोत्साहन: महिलांचा अधिक सहभाग वाढवण्यासाठी, मॅरेथॉन आणि हाफ मॅरेथॉन प्रकारांमध्ये निर्धारित वेळेच्या निकषांच्या अधीन राहून, धावण्याच्या मर्यादित जागा महिलांसाठी राखीव ठेवण्यात आल्या आहेत.

सर्वसमावेशकतेला प्रोत्साहन: हा कार्यक्रम सर्वांसाठी सुलभ करण्याच्या आपल्या वचनबद्धतेनुसार, टाटा मुंबई मॅरेथॉनने मॅरेथॉन आणि हाफ मॅरेथॉनमध्ये दिव्यांग व्यक्तींसाठी (PwD) मर्यादित जागा राखीव ठेवल्या आहेत.

विशेष नोंदणी सुविधा: ‘ओपन १०के’ (Open 10K) शर्यत प्रकार हा केवळ ‘चॅरिटी बिब्स’साठी (सामाजिक कार्यासाठीच्या सहभागासाठी) राखीव आहे. तथापि, पहिल्यांदाच, ‘ओपन १०के चॅरिटी बिब’ श्रेणीअंतर्गत महिला, युवा (१६ जानेवारी २०२७ रोजी १५-२१ वयोगट) आणि ‘सिल्व्हर एज’ (१६ जानेवारी २०२७ रोजी ६५ वर्षे व त्याहून अधिक वय) या निकषांनुसार धावण्यासाठी मर्यादित जागा उपलब्ध करून दिल्या जाणार  आहेत. या श्रेणींसाठी नोंदणी मंगळवार, ११ ऑगस्ट २०२६ रोजी सकाळी ७ वाजता सुरू होईल आणि त्याच दिवशी रात्री ११:५९ वाजता किंवा उपलब्ध सर्व जागा भरल्यास त्याआधीच बंद होईल.

प्रोकॅम इंटरनॅशनलचे सह-व्यवस्थापकीय संचालक विवेक सिंग म्हणाले: “टाटा मुंबई मॅराथॉन ही केवळ शर्यत पूर्ण करण्यापुरती मर्यादित नाही, तर तो मानवी क्षमतेचा उत्सव आहे आणि एक असे व्यासपीठ आहे जे जिद्द, दृढनिश्चय व ध्येयनिष्ठेच्या सामायिक भावनेतून विविध समुदायांना एकत्र आणते. या स्पर्धेच्या २२ व्या आवृत्तीसाठी नोंदणी सुरू करताना, सहभागींचा अनुभव अधिक उत्कृष्ट करण्यासोबतच हा कार्यक्रम पूर्वीपेक्षा अधिक सर्वसमावेशक, सुलभ आणि अविस्मरणीय बनवण्यासाठी आम्ही कटिबद्ध आहोत. आमचे प्रायोजक, महाराष्ट्र सरकार, राज्य व स्थानिक प्रशासन, भागीदार, स्वयंसेवक आणि सर्वात महत्त्वाचे म्हणजे आमचे धावपटू यांच्या भक्कम पाठिंब्यामुळे, जानेवारी २०२७ मधील आणखी एका अविस्मरणीय आवृत्तीसाठी जगाचे मुंबईत स्वागत करण्यास आम्ही उत्सुक आहोत.”

 मॅरेथॉन नोंदणी वेळापत्रक २०२६–२७

टीप: नोंदणीची समाप्ती तारीख ही नमूद केलेल्या दिवशी किंवा त्याआधी सर्व जागा (slots) भरेपर्यंत लागू राहील.

‘टाटा मुंबई मॅराथॉन’ खालील संस्थांच्या खंबीर पाठिंब्याबद्दल कृतज्ञ आहे: महाराष्ट्र सरकार, युवा व्यवहार आणि क्रीडा मंत्रालय, परराष्ट्र व्यवहार मंत्रालय, गृह मंत्रालय (भारत सरकार), स्पोर्ट्स ॲथॉरिटी ऑफ इंडिया (SAI), इंडियन ॲथलेटिक्स, मुंबई पोलीस, भारतीय सेना, भारतीय नौदल, बृहन्मुंबई महानगरपालिका, भारतीय रेल्वे, राजभवन मुंबई, वर्ल्ड ॲथलेटिक्स (WA), असोसिएशन ऑफ इंटरनॅशनल मॅराथॉन्स अँड डिस्टन्स रेसेस (AIMS) आणि ग्लोबल स्पोर्ट्स कम्युनिकेशन (GSC).

‘टाटा मुंबई मॅराथॉन’ आपल्या प्रतिष्ठित भागीदारांच्या (partners) पाठिंब्याबद्दल कृतज्ञ आहे:

• मुख्य प्रायोजक (Title Sponsor) – टाटा सन्स
• सह-मुख्य प्रायोजक – टाटा कन्सल्टन्सी सर्व्हिसेस (TCS)
• असोसिएट प्रायोजक – IDFC फर्स्ट बँक
• ‘पावर्ड बाय’ (Powered by) – अमरोन (AMARON)
• क्रीडा साहित्य भागीदार – असिक्स (ASICS)
• हायड्रेशन भागीदार – बिसलेरी (Bisleri)
• एअरलाइन भागीदार – एअर इंडिया एक्सप्रेस
• एनर्जी ड्रिंक भागीदार – रेड बुल (Red Bull)
• सोशल कनेक्ट भागीदार – वेदांता (Vedanta)
• हॉस्पिटॅलिटी भागीदार – ट्रायडेंट, नरिमन पॉइंट, मुंबई
• प्रिंट भागीदार – द टाइम्स ऑफ इंडिया
• रेडिओ भागीदार – मिरची (Mirchi)
• वैद्यकीय भागीदार – सर एच.एन. रिलायन्स फाउंडेशन हॉस्पिटल
• परोपकारी कार्य भागीदार (Philanthropy Partner) – युनायटेड वे मुंबई
• संस्थात्मक भागीदार – अधाता ट्रस्ट (Adhata Trust)
• थेट प्रसारण आणि आशय (Content) – इनिशियम (Initium)
• ‘चॅम्पियन्स विथ डिसॅबिलिटी’ (दिव्यांग धावपटू) सुविधा पुरवठादार – अडॅप्ट (ADAPT)
• समावेशकता भागीदार (Inclusion Ally) – ॲडव्हेंचर्स बियॉन्ड बॅरियर्स फाउंडेशन

अधिक माहितीसाठी, कृपया येथे भेट द्या – https://tatamumbaimarathon.procam.in/

आम्हाला येथे फॉलो करा:

https://www.instagram.com/tatamummarathon

https://www.facebook.com/TataMumMarathon

https://x.com/TataMumMarathon

https://www.youtube.com/@TataMumbaiMarathon