मुलुंड मध्ये सुरु झाले कल्याण ज्वेलर्सचे पहिले शोरूम

POSTED BY : ANAGHA SAKPAL DT. 09/09/2026 📞  9004379946

मुंबई NHI24.COM मुंबई, ९ सप्टेंबर २०२६: कल्याण ज्वेलर्सने आज महाराष्ट्रातील मुलुंड येथे आपल्या नवीन शोरूमचा शुभारंभ केला. ‘इलाया थिलागम’ श्री. प्रभू गणेशन आणि श्रीमती मलायका अरोरा यांच्या हस्ते या शोरूमचे भव्य उद्घाटन करण्यात आले. या भागातील ब्रँडची उपस्थिती अधिक मजबूत करण्याच्या उद्देशाने सुरू करण्यात आलेल्या या शोरूममध्ये कल्याण ज्वेलर्सच्या उत्कृष्ट डिझाईन्सची एक विस्तृत श्रेणी सादर करण्यात आली आहे. कंपनीचे लोकप्रिय इन-हाउस ब्रँड जसे की, ‘मुहूर्त’ ‘मुद्रा’ ‘निमाह’ आणि इतर अनेक आकर्षक कलेक्शन्सचा यामध्ये समावेश आहे.

कल्याण ज्वेलर्सचा लाइफस्टाइल ज्वेलरी ब्रँड ‘केनडियर’ ची विशेष प्रस्तुती या उद्घाटन सोहळ्याचे मुख्य आकर्षण ठरली. आपल्या ट्रेंडी डिझाईन्स आणि आधुनिक कलेक्शन्ससाठी प्रसिद्ध असलेला ‘केनडियर’ ब्रँड विशेषतः हलक्या वजनाचे दागिने सादर करतो, जे आजची ‘जेन झी’ पिढी, नोकरी-व्यवसाय करणाऱ्या महिला आणि स्टाईलचे शौकीन असलेल्या पुरुषांची आवड लक्षात घेऊन तयार करण्यात आले आहेत.

या प्रसंगी मोठ्या संख्येने उपस्थित असलेल्या चाहत्यांना संबोधित करताना अभिनेता श्री.प्रभू गणेशन म्हणाले,”कल्याण ज्वेलर्सच्या नवीन शोरूमच्या उद्घाटन सोहळ्याचा भाग होताना मला मनापासून आनंद होत आहे. मला अभिमान आहे की मी एका अशा ब्रँडशी जोडला गेलो आहे, ज्याने नेहमीच ग्राहकांचा विश्वास, प्रामाणिकपणा आणि त्यांच्या आनंदाला सर्वोच्च प्राधान्य दिले आहे.”

श्रीमती मलायका अरोरा म्हणाल्या,”मला पूर्ण खात्री आहे की या शहरातील लोकांना कल्याण ज्वेलर्सची उत्कृष्ट आणि युनिक डिझाइन्स नक्कीच आवडतील. येथील उत्तम सेवा आणि सुंदर कलेक्शन्सला लोक नेहमीप्रमाणेच आपले भरभरून प्रेम देतील.”

रमेश कल्याणरमन, एक्झिक्युटिव्ह डायरेक्टर, कल्याण ज्वेलर्स म्हणाले,”मुलुंडमध्ये आमचे पहिले शोरूम सुरु करून, महाराष्ट्रातील आमचे स्थान अधिक मजबूत करताना आम्हाला अत्यंत आनंद होत आहे. हा विस्तार या भागातील ग्राहकांसाठी कल्याण ज्वेलर्सचा अनुभव अधिक सुलभ करण्याची आमची वचनबद्धता दर्शवतो. आमची उत्कृष्ट कारागिरी, भरपूर कलेक्शन्स आणि विश्वास व पारदर्शकतेप्रती आमचा अढळ संकल्प याद्वारे ग्राहकांना दागिने खरेदीचा एक अतुलनीय आणि अविस्मरणीय अनुभव देणे, हाच आमचा नेहमीच प्रयत्न राहिला आहे.”