बिहारी लाल इंजिनिअरिंग लिमिटेडचा आयपीओ बुधवार, १२ ऑगस्ट २०२६ रोजी खुला होणार

POSTED BY : MRUNALI SAKPAL DT. 08/07/2026 📞  8850212023

• ​१० रुपये दर्शनी मूल्य (Face Value) असलेल्या प्रति इक्विटी शेअरचा किंमतपट्टा २७१ रुपये ते २८५ रुपये निश्चित
• ​बिड/ऑफर उघडण्याची तारीख – बुधवार, १२ ऑगस्ट २०२६ आणि बिड/ऑफर बंद होण्याची तारीख – शुक्रवार, १४ ऑगस्ट २०२६
• ​किमान बिड लॉट ५२ इक्विटी शेअर्सचा आहे आणि त्यानंतर ५२ इक्विटी शेअर्सच्या पटीत अर्ज करता येईल

मुंबई NHI24.COM : बिहारी लाल इंजिनिअरिंग लिमिटेडने ((Behari Lal Engineering Limited) आपल्या पहिल्यावहिल्या आयपीओसाठी (IPO) प्रति इक्विटी शेअर १० रुपये दर्शनी मूल्यावर २७१ रुपये ते २८५ रुपये असा किंमतपट्टा निश्चित केला आहे.

​कंपनीचा हा आयपीओ (IPO) गुंतवणुकीसाठी बुधवार, १२ ऑगस्ट २०२६ रोजी उघडेल आणि शुक्रवार, १४ ऑगस्ट २०२६ रोजी बंद होईल.

​गुंतवणूकदार किमान ५२ इक्विटी शेअर्ससाठी आणि त्यानंतर ५२ इक्विटी शेअर्सच्या पटीत बिड करू शकतात.

​आजच्या तारखेनुसार कंपनीचे एकूण ३,९०,३९,३२५ आऊटस्टॅडिंग (Outstanding) इक्विटी शेअर्स (प्रत्येकी १० रुपये) आहेत.

​प्रत्येकी १० रुपये दर्शनी मूल्य असलेल्या या ऑफरमध्ये ९३ कोटी रुपयांपर्यंतच्या नवीन शेअर्सचा (Fresh Issue) समावेश आहे. याशिवाय, प्रवर्तक (Promoters) – राजेश गर्ग, लवलीश गर्ग, प्रवर्तक गट (Promoter group) – योगिता गर्ग, आणि दिनेश कुमार गर्ग एचयूएफ (HUF) तसेच इन्व्हेस्टर सेलिंग शेअरहोल्डर – एसजी टेक इंजिनिअरिंग प्रायव्हेट लिमिटेड यांच्याद्वारे ७३,२०,००१ इक्विटी शेअर्सची विक्री ऑफर (Offer-for-sale) समाविष्ट आहे.

​नवीन इश्यूमधून मिळणाऱ्या रकमेपैकी १९.५९ कोटी रुपये मॅन्युफॅक्चरिंग फॅसिलिटी १ साठी नवीन उपकरणे/यंत्रसामग्री (संगणक, प्रिंटर आणि संगणक उपकरणांसह) खरेदी आणि स्थापनेसह नागरी कामांसाठी (Civil work) वापरले जातील. मॅन्युफॅक्चरिंग फॅसिलिटी १ वर नवीन रूफ-टॉप सोलर पॅनेलच्या खरेदी आणि स्थापनेसाठी ३.४० कोटी रुपये, मॅन्युफॅक्चरिंग फॅसिलिटी २ मध्ये नवीन उपकरणे/यंत्रसामग्री खरेदी आणि स्थापनेसाठी ३६.६५ कोटी रुपये, मॅन्युफॅक्चरिंग फॅसिलिटी २ वर नवीन रूफ-टॉप सोलर पॅनेलच्या खरेदी आणि स्थापनेसाठी ३.४० कोटी रुपये, कंपनीने घेतलेल्या विशिष्ट कर्जांची पूर्ण किंवा अंशत: परतफेड करण्यासाठी ५७ लाख रुपये वापरले जातील. तर उर्वरित रक्कम सामान्य कॉर्पोरेट उद्दिष्टांसाठी वापरली जाईल.

​ही ऑफर सेबी आयसीडीआर (SEBI ICDR) नियमांचे पालन करून बुक-बिल्डिंग प्रक्रियेद्वारे केली जात आहे. यामध्ये निव्वळ ऑफरच्या ५०% पेक्षा जास्त भाग पात्र संस्थात्मक खरेदीदारांसाठी (QIBs) उपलब्ध असणार नाही, तर किमान १५% बिगर-संस्थात्मक बोलीदारांसाठी (NIIs) आणि किमान ३५% भाग किरकोळ वैयक्तिक बोलीदारांसाठी (RIIs) उपलब्ध असेल.

​१९९५ मध्ये स्थापन झालेली ही कंपनी कस्टमाइज्ड इंजिनिअरिंग सोल्यूशन्स देणारी एक एकात्मिक लोखंड आणि पोलाद उत्पादक (integrated iron and steel manufacturing) कंपनी आहे. CRISIL च्या अहवालानुसार, ही कंपनी भारतातील सर्वात मोठ्या मेटल रोल्स उत्पादकांपैकी एक आहे. आर्थिक वर्ष २०२६ मध्ये देशातील मेटल रोल्सच्या मागणीपैकी १० ते ११.५% मागणी ही कंपनी पूर्ण करते.

​कंपनी मेटल रोल्स, इंजिनिअरिंग कास्टिंग्स, ॲलॉय स्टील उत्पादने आणि फोर्जिंग इंगॉट्सची निर्मिती करते, ज्याचा वापर पोलाद, ऊर्जा (Power) आणि हेव्ही इंजिनिअरिंग क्षेत्रात होतो.

​कंपनी पंजाबमधील मंडी गोविंदगड येथे दोन मॅन्युफॅक्चरिंग फॅसिलिटी चालवते, ज्या उत्पादनांचे डिझाइन, विकास आणि निर्मिती करण्यास सक्षम आहेत. याशिवाय, कंपनीने नुकतेच पंजाबमधील फतेहगड साहिब जिल्ह्यातील मंडी गोविंदगड येथे तिच्या तिसऱ्या मॅन्युफॅक्चरिंग फॅसिलिटीचे बांधकाम सुरू केले आहे.

​पोलाद उद्योगातील दोन दशकांहून अधिक अनुभवासह, कंपनीने गेल्या काही वर्षांत आपल्या उत्पादन विकास क्षमतेत सुधारणा केली आहे. लॅडल रिफायनिंग फर्नेस (LRF), व्हॅक्यूम डिगॅसिंग (VD), फाऊंड्री, हीट ट्रीटमेंट, मशिन शॉप्स, रोलिंग मिल्स आणि कुशल मनुष्यबळासह आधुनिक आणि पूर्णपणे एकात्मिक डिजिटल स्टील मेल्टिंग शॉपच्या मदतीने कंपनी ग्राहकांच्या विशिष्ट गरजांनुसार उत्पादने पुरवते.

​कंपनीची अचूक इंजिनिअर केलेली उत्पादने ऑटोमोबाईल, स्टील, खाणकाम, पायाभूत सुविधा आणि बांधकाम, ऊर्जा, एरोस्पेस आणि संरक्षण आणि सिमेंट यांसारख्या विविध उद्योगांमध्ये वापरली जातात.

​औद्योगिक वापराच्या या विस्तृत श्रेणीमुळे कंपनीला अनेक देशांतर्गत आणि आंतरराष्ट्रीय ग्राहकांना सेवा देणे शक्य झाले आहे. ३१ मार्च २०२६ पर्यंत कंपनीकडे १,८२५ ग्राहक होते. १ एप्रिल २०२४ पासून कंपनीने ५ खंडांमधील आणि २१ देशांमध्ये (अफगाणिस्तान, ब्राझील, फिनलंड, फ्रान्स, जर्मनी, आयर्लंड, मेक्सिको, नेपाळ, नायजेरिया, दक्षिण आफ्रिका, टांझानिया, यूएई आणि यूएसएसह) आपल्या उत्पादनांची निर्यात केली आहे.

​कंपनीने गेल्या काही वर्षांत आपल्या ग्राहकांशी दीर्घकालीन संबंध प्रस्थापित केले आहेत. यामध्ये बीएमडब्ल्यू इंडस्ट्रीज लिमिटेड (BMW Industries Limited), एम्ब्रोस ऑटोकॉम्प लिमिटेड (Embross Autocomp Limited), फोर्ज ऑटो इंटरनॅशनल लिमिटेड (Forge Auto International Limited) आणि हेलस्टोन इनोव्हेशन्स प्रायव्हेट लिमिटेड (Hailstone Innovations Private Limited) यांचा समावेश आहे.

​कंपनीची उत्पादने कॉम्प्युटर न्यूमेरिकल कंट्रोल (CNC) लेथ्स, हेव्ही ड्युटी ऑल गिअर्ड लेथ्स, बोरिंग मशीन्स, सीएनसी बोरिंग मशीन, रोल ग्राइंडिंग मशीन्स, व्हर्टिकल टर्निंग लेथ (VTL), सीएनसी व्हीटीएल, रेडियल ड्रिल्स, प्लॅनो मिलिंग मशीन्स आणि सीएनसी व्हर्टिकल मिलिंग मशीन्स यांसारख्या तंत्रज्ञानदृष्ट्या प्रगत उपकरणांचा वापर करून तयार केली जातात.

​कंपनीच्या मॅन्युफॅक्चरिंग फॅसिलिटीज अत्याधुनिक उपकरणे आणि यंत्रसामग्रीने सज्ज आहेत, ज्यामुळे उच्च गुणवत्तेची उत्पादने आणि ग्राहकांच्या आवश्यकतेनुसार कस्टमाइज्ड उत्पादने तयार करणे शक्य होते. कंपनीच्या कस्टमाइज्ड इंजिनिअरिंग उत्पादनांमध्ये मेटल रोल्स, इंजिनिअरिंग कास्टिंग्स आणि ॲलॉय स्टील उत्पादनांचा समावेश आहे.

​कंपनीच्या युनिट्सना गुणवत्ता व्यवस्थापनासाठी ISO 9001-2015, पर्यावरण व्यवस्थापनासाठी ISO 14001:2015, व्यवसाय आरोग्य आणि सुरक्षा व्यवस्थापनासाठी ISO 45001:2018 सह विविध गुणवत्ता आणि मानक प्रमाणपत्रे मिळाली आहेत.

​कंपनी समाजातील आपल्या भूमिकेबद्दल जागरूक आहे. कार्बन उत्सर्जन कमी करण्यासाठी कंपनीने आपल्या कार्यालये आणि मॅन्युफॅक्चरिंग फॅसिलिटीजसाठी दीर्घकालीन शाश्वत वीज पुरवठ्याकरिता सुमारे २ मेगावॅटचे रूफ-टॉप सोलर पॅनेल बसवले आहेत. तसेच कच्च्या मालावरील अवलंबित्व कमी करण्यासाठी आणि पर्यावरणीय उद्दिष्टांना पाठिंबा देण्यासाठी १००% पुनर्वापर केलेल्या (Recycled) स्टील स्क्रॅपचा वापर केला जातो.

​आर्थिक वर्ष २४ मधील ४४६.०८ कोटी रुपयांच्या तुलनेत आर्थिक वर्ष २६ मध्ये कंपनीचे ऑपरेशन्समधून मिळणारे महसूल (Revenue from operations) ५३४.०३ कोटी रुपये राहिले. आर्थिक वर्ष २४ मधील ३५.७९ कोटी रुपयांच्या तुलनेत आर्थिक वर्ष २६ मध्ये कंपनीचा निव्वळ नफा (Net Profit) ६४.६४ कोटी रुपये झाला.

​एमके ग्लोबल फायनान्शियल सर्व्हिसेस लिमिटेड (Emkay Global Financial Services Limited) आणि सिस्टीमॅटिक्स कॉर्पोरेट सर्व्हिसेस लिमिटेड (Systematix Corporate Services Limited) हे या इश्यूचे बुक-रनिंग लीड मॅनेजर्स आहेत, तर एमयूएफजी इनटाइम इंडिया प्रायव्हेट लिमिटेड (MUFG Intime India Private Limited) हे या ऑफरचे रजिस्ट्रार आहेत.

​कंपनीचे इक्विटी शेअर्स बीएसई (BSE) आणि एनएसई (NSE) वर सूचीबद्ध (List) करण्याचे प्रस्तावित आहे.