‘आउटलेट मॉल ऑफ इंडिया’ १५०+ ग्लोबल ब्रँड्ससह महाराष्ट्रातील डिस्काउंट शॉपिंगला नवी दिशा देण्यासाठी सज्ज

POSTED BY : MRUNALI SAKPAL DT. 00/03/2026 📞  8850212023

मुंबई NHI24.COM(M) : भूमी वर्ल्ड महाराष्ट्रातील पहिला डेडिकेटेड आउटलेट-मॉल, ‘आउटलेट मॉल ऑफ इंडिया’ सुरु करण्यासाठी सज्ज आहे. हा मॉल महाराष्ट्राच्या रिटेल क्षेत्रातील उत्क्रांतीचा एक महत्त्वाचा टप्पा ठरेल. यामुळे आता भिवंडीची ओळख केवळ एका औद्योगिक केंद्रापुरती मर्यादित न राहता, मुंबई महानगर प्रदेशातील एक वेगाने विकसित होणारे रिटेल, मनोरंजन आणि जीवनशैलीचे ठिकाण म्हणून भिवंडी नावारूपास येत असल्याचा हा एक महत्त्वपूर्ण संकेत आहे.

अत्याधुनिक ‘रिटेलटेनमेंट हब’ (खरेदी आणि मनोरंजनाचे ठिकाण) म्हणून डिझाइन केलेल्या या मॉलमध्ये, १५० हून अधिक राष्ट्रीय आणि आंतरराष्ट्रीय ब्रँड्सना असणार आहेत. ‘ऑलवेज ऑन डिस्काउंट’ (Always On Discount) या स्वरूपात वर्षभर सवलती उपलब्ध असतील, ज्यामुळे ग्राहकांना प्रीमियम फॅशन आणि लाइफस्टाइल उत्पादने आकर्षक किमतीत खरेदी करण्याचा आनंद मिळवता येईल. अरमानी एक्सचेंज, सुपरड्राय, लॅकोस्टे, लिवाइज, एसिक्स, कॅल्विन क्लाइन, टॉमी हिलफिगर, जॅक अँड जोन्स, वेरो मोडा यासारखे आघाडीच्या ब्रँड्स या मॉलमध्ये दाखल होत आहेत. उंची ब्रँड्सचे कपडे, पादत्राणे आणि अ‍ॅक्सेसरीज अशा विविध श्रेणीतील उत्पादनांची मनोसोक्त खरेदी याठिकाणी करता येईल.

‘आउटलेट मॉल ऑफ इंडिया’ची संकल्पना केवळ खरेदीपुरती मर्यादित नाही. अतिशय आनंद व समाधान देणारे, कायम लक्षात राहतील असे अनुभव देणारे ठिकाण म्हणून याची ख्याती निर्माण व्हावी हा यामागचा उद्देश आहे. याठिकाणी जास्तीत जास्त लोकांनी यावे आणि विविध उपक्रमांमध्ये सहभागी होऊन मनोरंजनाचा आनंद घ्यावा यासाठी मनोरंजनाला केंद्रस्थानी ठेवले आहे. या मॉलमध्ये तब्बल २,५०० आसनक्षमता असलेले भव्य ‘ओपन-एअर अ‍ॅम्फीथिएटर’ (खुले नाट्यगृह) आहे, इथे वर्षभर लाइव्ह कॉन्सर्ट्स, स्टँड-अप कॉमेडी, ब्रँड लॉन्चेस आणि सांस्कृतिक कार्यक्रमांचे आयोजन असे भरपूर कार्यक्रम होतील. याला जोडूनच १ एकरांवर पसरलेले, खूप मोठे ‘क्युरेटेड फ्ली मार्केट’ असेल, जिथे विविध पॉप-अप स्टॉल्स, इंडी ब्रँड्स असतील आणि अनेक नवनवीन अनुभव घेता येतील. यामुळे याठिकाणी एक चैतन्यमय आणि सामाजिक सहभागाला प्रोत्साहन देणारे वातावरण निर्माण होईल, आणि ग्राहकांना याठिकाणी वारंवार भेट द्यावीशी वाटेल.

या लाँचबद्दल बोलताना भूमी वर्ल्डचे व्यवस्थापकीय संचालक श्री प्रकाश पटेल म्हणाले: “आउटलेट मॉल ऑफ इंडिया हे भिवंडीचे एका उत्साही रिटेल आणि मनोरंजन केंद्रामध्ये होत असलेल्या रूपांतराचे प्रतीक आहे. विशेषतः तरुण पिढीला आंतरराष्ट्रीय उत्पादने सहज उपलब्ध करून देणे हे आमचे उद्दिष्ट आहे. ग्राहकांना नामवंत ब्रँड्स, मनाला आनंद देणारी जागा आणि वर्षभर अतुलनीय मूल्य (डिस्काउंट) यांचा अनुभव घेता येईल, असा एक प्रीमियम आणि संघटित आउटलेट प्लॅटफॉर्म तयार करणे हे आमचे व्हिजन आहे.”

या प्रकल्पामध्ये या प्रदेशातील सर्वात महत्त्वाकांक्षी ‘फूड अँड बेव्हरेज’ इकोसिस्टम विकसित करण्यात आली आहे, जी भिवंडीतील संघटित डायनिंग क्षेत्रातील मोठी उणीव भरून काढेल. येथील विशेष ‘फूड अव्हेन्यू’मध्ये निवडक क्यूएसआर, फाईन डायनिंग आणि सहा ‘रूफटॉप’ रेस्टॉरंट्सचा समावेश असणार आहे. खरेदीबरोबरीनेच या सर्वांचा आनंद ग्राहकांना घेता येईल. येथील मुख्य आकर्षण म्हणजे २५,००० स्क्वेअर फूटमध्ये पसरलेली महाराष्ट्रातील एक सर्वात मोठी ‘फ्लॅगशिप ब्रुअरी’ असणार आहे. त्याचप्रमाणे

याठिकाणी २० हून जास्त ‘फूड ट्रक्स’ असतील. त्यामुळे अतिशय उत्साही वातावरणाचा अनुभव घेता येईल. याव्यतिरिक्त, येथे अत्याधुनिक ‘गोल्फिंग’ आणि ‘गो-कार्टिंग’ सुविधा देखील उपलब्ध असून, ग्राहकांना मनोरंजनाचा एक परिपूर्ण अनुभव मिळेल.

भूमी वर्ल्डच्या विस्तीर्ण परिसरामध्ये मोक्याच्या ठिकाणी असलेल्या या प्रकल्पाला समृद्धी महामार्ग आणि आगामी नवी मुंबई आंतरराष्ट्रीय विमानतळ यांसारख्या प्रमुख पायाभूत सुविधांचा मोठा फायदा मिळणार आहे. याचा विस्तार भिवंडी, ठाणे, नवी मुंबई आणि मुंबईपर्यंत पसरलेला आहे. पुणे-नाशिक महामार्गावर स्थित असल्याने, मुंबई महानगर प्रदेशातून याठिकाणी सहज येणे-जाणे देखील सहजशक्य आहे.