क्लब महिंद्रातर्फे दापोली येथे मुरुड बीचजवळ समुद्रकिनारी रिसॉर्टच्या धोरणात्मक करारासह महाराष्ट्रात 110 कीजची भर

POSTED BY : MRUNALI SAKPAL DT. 00/02/2026 📞  8850212023

या नवीन मालमत्तेमुळे आर्थिक वर्ष 26 मध्ये 1,000 नवीन रूम्सचे उद्दिष्ट आणि आर्थिक वर्ष 30 पर्यंत 12,000 कीजकडे वाटचाल यांना पाठबळ

मुंबई NHI24.COM(M): भारतातील आघाडीची विश्रांती व आतिथ्य सेवा कंपनी महिंद्रा हॉलिडेज अँड रिसॉर्ट्स इंडिया लिमिटेड (MHRIL) ने निसर्गरम्य मुरुड बीचजवळील दापोली येथे नवीन रिसॉर्टचा करार केला असून महाराष्ट्राच्या किनारपट्टीवरील आपले स्थान अधिक बळकट केले आहे.

ही नवीन घडामोड म्हणजे कंपनीच्या आर्थिक वर्ष 26– आर्थिक वर्ष 30 या धोरण आराखड्याचा भाग आहे. त्यानुसार क्लब महिंद्राच्या अंतर्गत 10,000 पेक्षा अधिक कीज आणि एकूण पोर्टफोलिओचा 12,000 कीजपर्यंत विस्तार करण्याचे उद्दिष्ट आहे. जास्त मागणी असलेल्या पर्यटन पट्ट्यांमध्ये नवीन करार, हरितक्षेत्र विकास आणि व्यवस्थापन करार यांच्या संयोगातून कंपनी भारतातील #1 विश्रांती व आतिथ्य क्षेत्रातील अग्रगण्य कंपनी होण्याच्या आपल्या महत्त्वाकांक्षेकडे वाटचाल करत आहे.

दापोलीमुळे उच्च-वाढीच्या किनारी बाजारपेठांमध्ये MHRIL चे स्थान अधिक मजबूत होत असून, मजबूत मागणी असलेल्या या ठिकाणी भारताच्या पश्चिम किनारपट्टीवरील नियोजित अनेक विकास प्रकल्पांपैकी हा पहिला प्रकल्प आहे.

13 एकर क्षेत्रावर पसरलेले आगामी क्लब महिंद्रा दापोली रिसॉर्ट टप्प्याटप्प्याने सुरू करण्यात येणार असून, त्यामध्ये 110 कीज असतील. 52 कीजचा समावेश असलेला पहिला टप्पा आर्थिक वर्ष 27 च्या पहिल्या तिमाहीमध्ये सुरू होणार असून, उर्वरित इन्व्हेंटरी आर्थिक वर्ष 27 च्या दुसऱ्या तिमाहीमध्ये सुरू होईल.

महिंद्रा हॉलिडेज अँड रिसॉर्ट्स इंडिया लिमिटेडचे व्यवस्थापकीय संचालक व मुख्य कार्यकारी अधिकारी मनोज भट म्हणाले, “भारतात सुट्टी साजरी करणाऱ्या कुटुंबांचे प्रमाण वाढत आहे. दापोलीमुळे आमचा पश्चिम किनारपट्टी विभाग अधिक मजबूत होत आहे. त्यामुळे उच्च मागणी असलेल्या ठिकाणी उच्च-गुणवत्तेची इन्व्हेंटरी वाढवण्यावर आमचा भर असल्याचे यातून दिसून येते. आम्हाला आमचा विस्तार विचारपूर्वक अधिक सखोल करायचा आहे, शिस्तबद्ध पद्धतीने  आमचे रिसॉर्ट नेटवर्क वाढवायचे आहे आणि देशातील सर्वात विश्वासार्ह विश्रांती व आतिथ्य ब्रँड म्हणून उभारणी सुरू ठेवायची आहे.”

आधुनिक पद्धतीचे समुद्र किनाऱ्यावरील विश्रांतीस्थळ म्हणून डिझाइन केलेले हे रिसॉर्ट अनुभव-केंद्रित मुक्काम शोधणाऱ्या कुटुंबांसाठी उपयुक्त ठरेल. नियोजित सुविधा यामध्ये समुद्राच्या बाजूला असलेले दिवसभर सुरु असणारे रेस्टॉरंट, खुल्या जागेतील कॅफे, स्विमिंग पूल आणि स्पा, पूर्ण सुसज्ज फिटनेस सेंटर तसेच मुलांच्या मनोरंजनासाठी समर्पित हॅपी हब यांचा समावेश आहे. या मालमत्तेमध्ये 500-पॅक्स क्षमतेचा इनडोअर बँक्वेट हॉल तसेच 800–1,000 पाहुण्यांची क्षमता असलेले विस्तृत आउटडोअर लॉन असेल. त्यायोगे डेस्टिनेशन सेलिब्रेशन्स आणि मोठ्या स्वरूपातील कार्यक्रमांसाठी हे एक आकर्षक स्थळ ठरेल.