स्ट्रायडर्स इम्पेक्स लिमिटेडचा आयपीओ २६ फेब्रुवारी २०२६ पासून खुला

POSTED BY : ANAGHA  SAKPAL DT. 23/02/2026 📞  9004379946

मुंबई NHI.COM(M)  – स्ट्रायडर्स इम्पेक्स लिमिटेड, खेळणी आणि मुलांच्या ग्राहक मर्चेंडाइज विभागातील एक उदयोन्मुख कंपनी, आपला इनिशियल पब्लिक ऑफरिंग २६ फेब्रुवारी २०२६ रोजी खुला करणार आहे. कंपनीचा उद्देश ₹ ३६.२८ कोटी निधी उभारण्याचा असून, कंपनीचे शेअर्स एनएसई इमर्ज प्लॅटफॉर्मवर सूचीबद्ध होणार आहेत.

या निर्गमाचा एकूण आकार ५०,४०,००० इक्विटी शेअर्स इतका आहे, ज्यांचे दर्शनी मूल्य प्रति शेअर ₹ १० आहे. प्राइस बँड प्रति शेअर ₹ ७१ ते ₹ ७२ निश्चित करण्यात आला आहे.

इक्विटी शेअर वाटप:
• क्वालिफाइड इंस्टीट्यूशनल बायर्स (QIB) – जास्तीत जास्त २३,९०,४०० इक्विटी शेअर्स

• नॉन-इन्स्टिट्यूशनल इन्व्हेस्टर्स (NII) – किमान ७,२०,००० इक्विटी शेअर्स
• इंडिव्हिज्युअल इन्व्हेस्टर्स – किमान १६,७६,८०० इक्विटी शेअर्स
• मार्केट मेकर – जास्तीत जास्त २,५२,८०० इक्विटी शेअर्स

आयपीओमधून मिळणारा निव्वळ निधी मुख्य भूप्रदेश UAE मध्ये प्रस्तावित पूर्ण मालकीच्या उपकंपनीची स्थापना व गुंतवणूक, कर्ज परतफेड, कार्यकारी भांडवलाच्या गरजा आणि सर्वसाधारण कॉर्पोरेट उद्दिष्टांसाठी वापरण्यात येणार आहे. अँकर गुंतवणूकदारांचा भाग मंगळवार, २५ फेब्रुवारी २०२६ रोजी खुला होईल आणि सोमवार, २ मार्च २०२६ रोजी बंद होईल.

या इश्यूचे बुक रनिंग लीड मॅनेजर कॅपिटल स्क्वेअर अ‍ॅडव्हायझर्स प्रायव्हेट लिमिटेड असून, रजिस्ट्रार लिंक एमयूएफजी इंटाइम इंडिया प्रायव्हेट लिमिटेड आहेत.

स्ट्रायडर्स इम्पेक्स लिमिटेडचे व्यवस्थापकीय संचालक श्री. कुमारश्री राजकुमार बहेती आणि श्री. मुस्तफा इस्माईल कपासी म्हणाले,“ स्ट्रायडर्स इम्पेक्स लिमिटेड मध्ये आमचा प्रवास खेळणी आणि मुलांच्या ग्राहक वस्तू क्षेत्रात वेगळेपण निर्माण करण्याच्या स्पष्ट दृष्टीकोनातून सुरू झाला. आमचे पहिले परवाना-आधारित उत्पादन लाँच केल्यानंतर आम्ही सातत्याने आमचा पोर्टफोलिओ विस्तारला, तसेच डिझ्नी, हॅमलेस, मिनिसो आणि लँडमार्क ग्रुप यांसारख्या आघाडीच्या ब्रँड्ससोबत धोरणात्मक भागीदारी केली आणि भारत व संयुक्त अरब अमिरातमध्ये मजबूत वितरण जाळे उभारले.

 आज आम्ही अ‍ॅसेट-लाईट मॉडेलद्वारे कार्यरत आहोत, ज्यात जागतिक परवानाधारक ब्रँड्स आणि आमच्या स्वतःच्या वाढत्या मालकीच्या ब्रँड्सचा समन्वय आहे. याला अखिल भारतीय ओम्नीचॅनेल नेटवर्क आणि वाढत्या आंतरराष्ट्रीय प्लॅटफॉर्मचे बळ मिळाले आहे.

प्रस्तावित आयपीओ आमच्या वाढीच्या प्रवासातील पुढील टप्पा दर्शवतो. या निधीद्वारे आम्ही वितरण अधिक मजबूत करू, ब्रँड उभारणीत गुंतवणूक करू, कार्यकारी भांडवल सुदृढ करू आणि आमच्या UAE प्लॅटफॉर्मच्या माध्यमातून आंतरराष्ट्रीय विस्ताराला गती देऊ—ज्यामुळे शाश्वत आणि दीर्घकालीन मूल्यनिर्मिती साध्य होईल.”

कॅपिटलस्क्वेअर अ‍ॅडव्हायझर्सचे संचालक,डॉ.सुनील कुमार मनोचा म्हणाले,स्ट्रायडर्स इम्पेक्स लिमिटेड च्या वाढीच्या प्रवासातील या महत्त्वाच्या टप्प्यावर आम्ही त्यांच्यासोबत भागीदारी करत आहोत याचा आम्हाला आनंद आहे. अल्पावधीतच कंपनीने खेळणी आणि मुलांच्या वस्तू क्षेत्रात प्रभावी उपस्थिती निर्माण केली आहे. स्केलेबल अ‍ॅसेट-लाईट मॉडेल, मजबूत परवाना भागीदारी आणि सातत्याने वाढणारा स्वतःच्या ब्रँड्सचा पोर्टफोलिओ ही त्यामागची प्रमुख कारणे आहेत.

आघाडीच्या जागतिक आणि रिटेल भागीदारांशी दृढ संबंध आणि संयुक्त अरब अमिरातीतील आंतरराष्ट्रीय प्लॅटफॉर्मच्या बळावर कंपनी पुढील वाढीच्या संधी साधण्यासाठी धोरणात्मकदृष्ट्या सक्षम आहे. आगामी आयपीओमध्ये स्ट्रायडर्स इम्पेक्स लिमिटेड ला पाठिंबा देताना आम्हाला अभिमान वाटतो आणि त्यांच्या दीर्घकालीन, शाश्वत वाढीच्या दृष्टीकोनावर आम्हाला पूर्ण विश्वास आहे.”

स्ट्रायडर्स इम्पेक्स लिमिटेडबद्दल:

स्ट्रायडर्स इम्पेक्स लिमिटेड ही ग्राहक उत्पादने क्षेत्रातील कंपनी असून ती खेळणी आणि मुलांच्या ग्राहक वस्तूंच्या परवाना (लायसेंसिंग), विकास, सोर्सिंग आणि वितरण व्यवसायात कार्यरत आहे. कंपनी आपला नवीन प्रारंभिक समभाग विक्री (IPO) सादर करत आहे.

कंपनी अ‍ॅसेट-लाईट आणि स्केलेबल व्यवसाय मॉडेलवर कार्य करते, ज्यामध्ये उत्पादन डिझाइन, विकास, सोर्सिंग, उत्पादन समन्वय आणि वितरणापर्यंत सर्वसमावेशक (एंड-टू-एंड) उपाय प्रदान केले जातात.कंपनीने आधुनिक व्यापार, सामान्य व्यापार आणि ई-कॉमर्स प्लॅटफॉर्मद्वारे अखिल भारतीय वितरण जाळे उभारले असून, शहरी तसेच अर्ध-शहरी बाजारपेठांमध्ये मजबूत उपस्थिती निर्माण केली आहे. देशांतर्गत व्यवसायाबरोबरच, कंपनीची संयुक्त अरब अमिरातीमध्ये पूर्ण मालकीची उपकंपनी असून, ती परदेशातील वितरण आणि व्यापार कार्यांना पाठबळ देते.

आर्थिक वर्ष २०२४-२५ (FY२५) मध्ये कंपनीने एकत्रित महसूल ₹६,१८६.५१ लाख, EBITDA ₹९३२.१७ लाख आणि करानंतर नफा (PAT) ₹८४०.७४ लाख नोंदवला.

डिसेंबर २०२५ अखेरच्या नऊ महिन्यांच्या कालावधीत कंपनीने एकत्रित महसूल ₹४,९५६.९९ लाख, EBITDA ₹६४९.०३ लाख आणि करानंतर नफा (PAT) ₹४०१.०५ लाख साध्य केला.

 अस्वीकरण:

या दस्तऐवजात नमूद केलेली काही विधाने ऐतिहासिक तथ्यांवर आधारित नसून ती भविष्यकालीन अंदाज आहेत. अशा विधानांवर विविध जोखमी आणि अनिश्चितता परिणाम करू शकतात, जसे की शासकीय धोरणे, स्थानिक, राजकीय किंवा आर्थिक घडामोडी, तांत्रिक जोखीम आणि इतर अनेक घटक, ज्यामुळे प्रत्यक्ष निकाल या अंदाजांपेक्षा लक्षणीयरीत्या वेगळे असू शकतात. अशा विधानांवर आधारित कोणतीही कृती केल्यास कंपनी त्याबाबत जबाबदार राहणार नाही आणि पुढील घटना किंवा परिस्थितीनुसार या भविष्यकालीन विधानांचे सार्वजनिक अद्यतन करण्याची कंपनीवर कोणतीही जबाबदारी राहणार नाही.