महाराष्ट्रात पहिली पॅरा राज्यस्तरीय टेबल टेनिस स्पर्धा पलावा सिटीमध्ये होणार

POSTED BY : ANAGHA  SAKPAL DT. 12/12/2025 📞  9004379946

मुंबई,( NHI@24.COM) : महाराष्ट्रात समावेशक क्रीडा क्षेत्राला मोठी चालना देत महाराष्ट्र राज्य टेबल टेनिस संघटनेने (एसएसटीटीए) डोंबिवली पूर्व येथील पलावा सिटीमधील ऑलिंपिक स्पोर्ट्स सेंटर येथे १३ डिसेंबरला राज्यातील पहिली पॅरा राज्यस्तरीय रँकिंग स्पर्धा आयोजित केली जाणार आहे. या स्पर्धेची नुकतीच घोषणा करण्यात आली. ही ऐतिहासिक स्पर्धा दिव्यांग खेळाडूंना संधी देणारी असून, महाराष्ट्रातील टेबल टेनिसच्या समावेशक विकासात मोलाचा टप्पा ठरणार आहे.

कम्युनिटी क्लबकडून महाराष्ट्रातील क्रीडा क्षेत्रात क्रांती
पलावा येथील टेबल टेनिस क्लब गेल्या दहा वर्षांपासून महाराष्ट्रात क्रीडा विकासाचे उत्कृष्ट उदाहरण ठरत आहे. ठाणे जिल्हा टेबल टेनिस संघटनेखालील एकमेव असलेल्या या क्लबने अनेक राज्यस्तरीय आणि ओपन स्पर्धांचे यशस्वी आयोजन केले असून, या क्षेत्रातील उदयोन्मुख प्रतिभा व क्रीडा संस्कृतीसाठी केंद्रबिंदू ठरला आहे. हा क्लब महाराष्ट्रातील टेबल टेनिसमध्ये अनेक गोष्टी पहिल्यांदाच करून, यशस्वी करत आलेला आहे. आता राज्याची पहिली पॅरा रँकिंग स्पर्धा आयोजित करून समावेशक व्यासपीठ तयार करण्याची आपली कटिबद्धता पुन्हा दर्शवत आहे.

धैर्य, चिकाटी आणि क्रीडा उत्साहाची रंगभूमी
ही स्पर्धा सर्व दिव्यांग प्रवर्गातील खेळाडूंना खुली असून, दिव्यंगत्व असलेल्या खेळाडूंना स्पर्धा करण्याची, स्वतःला घडवण्याची आणि प्रेरणा देण्याची संधी उपलब्ध करून देते. मानवाचा आत्मा प्रत्येक अडथळ्यावर विजय मिळवू शकतो आणि क्रीडा हे त्याचे सर्वोत्तम प्रदर्शन आहे, असे ही स्पर्धा सांगते. या स्पर्धेत सहभागी होऊ इच्छिणारे खेळाडू ‘एमएसटीटीए’च्या अधिकृत संकेतस्थळावर नाव नोंदणी करू शकतात.

महाराष्ट्राची क्रीडा परंपरा आणि विजेत्यांची दैदिप्यमान प्रवास
मराठा काळातील शौर्यापासून ते आधुनिक काळातील क्रिकेट आणि ऑलिंपिक पदक विजेत्यांपर्यंत, महाराष्ट्राने नेहमीच शिस्तीतून यश मिळवणारे खेळाडू दिले आहेत. टेबल टेनिस देखील यात अपवाद नाही. शाळा, क्लब व सामुदायिक केंद्रांमध्ये हजारो खेळाडू रोज आपली कौशल्ये विकसित करत आहेत. त्यामुळे महाराष्ट्रात टेबल टेनिससाठी जीवंत आणि सतत पोषक वातावरण तयार झाले आहे.

उदयोन्मुख खेळाडू व राष्ट्रीय गौरव

पहिल्या पॅरा राज्यस्तरीय रँकिंग स्पर्धेत महाराष्ट्रातील उत्कृष्ट दिव्यांग खेळाडू १० विविध वर्गांमध्ये पुरुष व महिला विभागात स्पर्धा करतील. अनेक खेळाडूंनी भारताचे आंतरराष्ट्रीय पातळीवर प्रतिनिधित्व केले आहे. या स्पर्धेत सहभागी होणारे काही प्रमुख खेळाडू, वैशाली सुतार, त्रिवेणी बर्वे, उज्वला चव्हाण, जानकी मोकाशी, प्राची, विश्व तांबे, प्रमोद कुमार, विवेक मोरे, ऋषित नाथवाणी व शक्ती कुमार, आदी खेळाडू आणि उदयोन्मुख राष्ट्रीय व आंतरराष्ट्रीय स्पर्धांमध्ये मार्ग खुले करणाऱ्या महत्त्वाच्या रँकिंग पॉइंटसाठी स्पर्धा करतील.
ही स्पर्धा का महत्त्वाची आहे?
पहिली पॅरा राज्यस्तरीय रँकिंग स्पर्धा ही फक्त स्पर्धा नाही, तर एमएसटीटीए आणि महाराष्ट्राची समावेशक क्रीडा क्षेत्रातील वचनबद्धता आहे.
– समान क्रीडा संधी उपलब्ध करून देणे
– चिकाटी आणि असाधारण प्रतिभेचा उत्सव साजरा करणे
– दिव्यांग खेळाडूंना राष्ट्रीय आणि जागतिक स्तरावर पोहोचण्याचे मार्ग तयार करणे
– समाजाला प्रेरणा देणारे उदाहरण प्रदर्शित करणे
– हा उपक्रम महाराष्ट्राला समावेशक क्रीडा विकासामध्ये आघाडीवर असलेले राज्य म्हणून स्थान मिळवून देतो.

एसएसटीटीए बद्दल:
महाराष्ट्र राज्य टेबल टेनिस संघटना (एसएसटीटीए) ही राज्यातील टेबल टेनिससाठी अधिकृत संस्था आहे. प्रत्येक खेळाडूला पार्श्वभूमी, क्षमता किंवा परिस्थितीची पर्वा न करता योग्य मार्गदर्शन व व्यासपीठ उपलब्ध करून देणे हे त्याचे मुख्य उद्दीष्ट आहे.

सहकार्य:
टेबल टेनिस क्लब पलावा आणि प्राइम टेबल टेनिस