POSTED BY : ANAGHA SAKPAL DT. 26/12/2025 📞 9004379946
एकूण इश्यू आकार – प्रत्येकी ₹10 अंकित मूल्याचे कमाल 40,99,200 इक्विटी शेअर्स
● आयपीओ आकार – ₹36.89 कोटी (वरच्या किंमत बँडवर)
● प्राइस बँड – प्रति शेअर ₹85 ते ₹90
● लॉट साईज – 1,600 इक्विटी शेअर्स
डॉ. देवेंद्र सिंग यादव, अध्यक्ष आणि व्यवस्थापकीय संचालक, मॉडर्न डायग्नोस्टिक अँड रिसर्च सेंटर
मुंबई,( NHI@24.COM) :– भारतातील डायग्नोस्टिक व हेल्थकेअर चाचणी क्षेत्रातील अग्रगण्य मॉडर्न डायग्नोस्टिक अँड रिसर्च सेंटर लिमिटेड 31 डिसेंबर 2025 रोजी आपला आयपीओ गुंतवणूकदारांसाठी खुला करत आहे. 40,99,200 इक्विटी शेअर्सच्या फ्रेश इश्यूद्वारे ₹36.89 कोटी (वरच्या किंमत बँडवर) उभारण्याचा कंपनीचा मानस असून, हा आयपीओ बीएसई एसएमई प्लॅटफॉर्मवर सूचीबद्ध होणार आहे.
प्रत्येकी ₹10 अंकित मूल्य असलेल्या शेअर्ससाठी किंमत बँड ₹85 ते ₹90 प्रति शेअर निश्चित करण्यात आला आहे.
शेअर वाटपाचा आराखडा –
• अँकर क्यूआयबी – 11,61,600 पर्यंत शेअर्स
• पात्र संस्थात्मक गुंतवणूकदार (QIB) – 7,82,400 पर्यंत शेअर्स
• नॉन-इन्स्टिट्यूशनल गुंतवणूकदार (NII) – किमान 5,85,600 शेअर्स
• खाजगी (रिटेल) गुंतवणूकदार – किमान 13,63,200 शेअर्स
• मार्केट मेकर – 2,06,400 शेअर्स
आयपीओतून मिळणाऱ्या शुद्ध उत्पन्नाचा उपयोग डायग्नोस्टिक केंद्रे व प्रयोगशाळांसाठी वैद्यकीय उपकरणांच्या खरेदीसाठी भांडवली खर्च, वर्किंग कॅपिटलची गरज, कंपनीने घेतलेल्या काही प्रलंबित कर्जांच्या परतफेडीसाठी तसेच सामान्य कॉर्पोरेट उद्देशांसाठी करण्यात येणार आहे.
अँकर पोर्शन मंगळवार, 30 डिसेंबर 2025 रोजी खुले होईल, तर मुख्य आयपीओ बुधवार, 31 डिसेंबर 2025 रोजी खुला होऊन शुक्रवार, 02 जानेवारी 2026 रोजी बंद होईल.
या इश्यूचे बुक रनिंग लीड मॅनेजर बीलाइन कॅपिटल अॅडव्हायझर्स प्रायव्हेट लिमिटेड असून, रजिस्ट्रार टू द इश्यू एमयूएफजी इंटाइम इंडिया प्रायव्हेट लिमिटेड आहेत.
मॉडर्न डायग्नोस्टिक अँड रिसर्च सेंटर लिमिटेडचे चेअरमन कम मॅनेजिंग डायरेक्टर डॉ. देवेंद्र सिंह यादव, यांनी सांगितले,
“कंपनीच्या इक्विटी शेअर्सची लिस्टिंग हा आमच्या विस्ताराच्या पुढील टप्प्यातील एक महत्त्वाचा मैलाचा दगड आहे. स्थापनेपासूनच आम्ही डायग्नोस्टिक सेवांमध्ये अचूकता, वेळेचे पालन आणि सुलभता यांना प्राधान्य दिले असून, डॉक्टरांना सक्षम करणे आणि रुग्णसेवेचे परिणाम अधिक प्रभावी करणे हा आमचा केंद्रबिंदू राहिला आहे.
प्रस्तावित आयपीओमुळे आमच्या विस्तार धोरणाला गती देण्यासाठी आवश्यक आर्थिक बळ मिळेल. आयपीओमधून मिळणारा निधी प्रगत वैद्यकीय उपकरणांच्या खरेदीसाठी भांडवली खर्च, आमची डायग्नोस्टिक व प्रयोगशाळा पायाभूत सुविधा अधिक सक्षम करण्यासाठी आणि केंद्रांच्या नेटवर्कचा विस्तार करण्यासाठी रणनीतीपूर्वक वापरला जाईल. यामुळे तपासणी क्षमतेत वाढ, रिपोर्ट देण्याच्या वेळेत सुधारणा आणि सर्व केंद्रांमध्ये सातत्यपूर्ण, उच्च दर्जाच्या डायग्नोस्टिक सेवा सुनिश्चित होतील.”
मॉडर्न डायग्नोस्टिक अँड रिसर्च सेंटर लिमिटेड बद्दल:
मॉडर्न डायग्नोस्टिक अँड रिसर्च सेंटर लिमिटेड (मॉडर्न डायग्नोस्टिक / कंपनी) ही भारतातील डायग्नोस्टिक व हेल्थकेअर चाचणी सेवा पुरवणारी आघाडीची कंपनी असून, ती पॅथॉलॉजी आणि रेडिओलॉजी सेवा देते. कंपनीच्या डायग्नोस्टिक चाचणी पोर्टफोलिओमध्ये पॅथॉलॉजीचा समावेश असून, त्यात अॅनॅटोमिकल पॅथॉलॉजी, क्लिनिकल पॅथॉलॉजी, फॉरेन्सिक पॅथॉलॉजी आणि मॉलिक्युलर पॅथॉलॉजी यांचा समावेश आहे. तसेच रेडिओलॉजी विभागात डायग्नोस्टिक रेडिओलॉजी आणि इंटरव्हेन्शनल रेडिओलॉजी सेवा दिल्या जातात, ज्यामध्ये एक्स-रे, कॉम्प्युटेड टोमोग्राफी (सीटी स्कॅन), मॅग्नेटिक रेझोनन्स इमेजिंग (एमआरआय) आणि अल्ट्रासाऊंड यांचा समावेश आहे. या सर्व सेवा अत्याधुनिक संगणकीकृत उपकरणांच्या सहाय्याने दिल्या जात असून, अचूक आणि विश्वासार्ह तपासणी निकाल सुनिश्चित केले जातात.
कंपनीचे ८ राज्यांमध्ये पसरलेले २१ केंद्रांचे जाळे आहे, ज्यामध्ये १७ प्रयोगशाळा आणि ४ डायग्नोस्टिक केंद्रे समाविष्ट आहेत. मॉडर्न डायग्नोस्टिक अँड रिसर्च सेंटर लिमिटेड वैयक्तिक रुग्ण, रुग्णालये आणि कॉर्पोरेट ग्राहकांना सेवा पुरवते. कंपनीची सर्व केंद्रे अत्याधुनिक डायग्नोस्टिक उपकरणांनी सज्ज प्रयोगशाळांसह कार्यरत असून, येथे उच्च पात्रता प्राप्त व्यावसायिक कार्यरत आहेत. रुग्णांना नेहमीच अचूक व विश्वासार्ह तपासणी अहवाल मिळावा यासाठी कंपनी कठोर आंतरिक व बाह्य गुणवत्ता नियंत्रण प्रणालींचे पालन करते. प्रयोगशाळांमध्ये दररोज गुणवत्ता तपासणी, नियमित कॅलिब्रेशन केले जाते तसेच बायोरॅड लॅबोरेटरीज, एम्स (AIIMS), आरएमएल आणि सीएमसी वेल्लोर यांसारख्या नामांकित संस्थांसोबत एक्स्टर्नल क्वालिटी अॅश्युरन्स प्रोग्राम (EQAP) मध्ये सहभाग घेतला जातो.
याशिवाय, कंपनी होम सॅम्पल कलेक्शन, ऑनलाइन रिपोर्ट उपलब्धता आणि संस्था व व्यक्तींसाठी सानुकूलित तपासणी पॅकेजेस अशा मूल्यवर्धित सेवा देखील देते. अत्याधुनिक प्रयोगशाळा तंत्रज्ञानाच्या माध्यमातून दर्जेदार व परवडणाऱ्या डायग्नोस्टिक आणि हेल्थकेअर चाचणी सेवा देण्यास कंपनी कटिबद्ध आहे.
31 मार्च 2025 रोजी समाप्त कालावधीसाठी, कंपनीने ₹7,794.54 लाख महसूल, ₹1,796.25 लाख EBITDA आणि ₹896.81 लाख PAT नोंदवला.
30 जून 2025 रोजी समाप्त कालावधीसाठी, कंपनीने ₹2,250.10 लाख महसूल, ₹586.19 लाख EBITDA आणि ₹299.82 लाख PAT नोंदवला.
अस्वीकरण:
या दस्तऐवजात समाविष्ट काही विधाने ही ऐतिहासिक तथ्यांवर आधारित नसून, ती भविष्याभिमुख (Forward-looking) विधाने आहेत. अशा विधानांवर सरकारी धोरणे, स्थानिक, राजकीय किंवा आर्थिक घडामोडी, तांत्रिक जोखीम तसेच इतर अनेक अनिश्चित घटकांचा प्रभाव पडू शकतो, ज्यामुळे प्रत्यक्ष निकाल या विधानांमध्ये नमूद केलेल्यापेक्षा लक्षणीयरीत्या वेगळे ठरू शकतात. अशा विधानांच्या आधारे करण्यात आलेल्या कोणत्याही कृतीसाठी कंपनी कोणत्याही प्रकारे जबाबदार राहणार नाही आणि भविष्यातील घडामोडी किंवा परिस्थिती प्रतिबिंबित करण्यासाठी ही विधाने सार्वजनिकरित्या अद्ययावत करण्याचे कोणतेही दायित्व कंपनी स्वीकारत नाही.
